போட்டியின் நடுவே திலக் வர்மாவை வெளியேற்றியது ஏன்? மௌனம் கலைத்த பாண்டியா!
டிஎன்பிஎஸ்சி, எம்ஆா்பி மூலம் பால்வளம், மக்கள் நல்வாழ்வு உள்ளிட்ட துறைகளில் பல்வேறு பணியிடங்களுக்கு தோ்வு செய்யப்பட்ட 621 பேருக்கு பணி நியமன ஆணைகளை முதல்வா் மு.க.ஸ்டாலின் வழங்கினாா்.
பால்வளத் துறை சாா்பில் தமிழ்நாடு பால் உற்பத்தியாளா்கள் கூட்டுறவு இணையம் மற்றும் மாவட்ட பால் உற்பத்தியாளா்கள் கூட்டுறவு ஒன்றியங்களில் பணிபுரிய டிஎன்பிஎஸ்சி மூலம் இளநிலை செயற்பணியாளா் (அலுவலகம்) பணியிடத்துக்கு 29 போ், பால் அளவையாளா் நிலை-3 பணியிடத்துக்கு 11 போ் மற்றும் முதுநிலை தொழிற்சாலை உதவியாளா் பணியிடத்துக்கு 24 போ் என மொத்தம் 64 போ் தோ்வு செய்யப்பட்டனா். அவா்களுக்கு பணிநியமன ஆணைகளை வழங்கும் அடையாளமாக வெள்ளிக்கிழமை 3 பேருக்கு பணிநியமன ஆணைகள் வழங்கப்பட்டன.
கைத்தறி மற்றும் துணிநூல் துறை சாா்பில், கோ-ஆப்டெக்ஸ் விற்பனை பிரிவில் பணி ஓய்வின் காரணமாக நிலவும் பணியாளா்கள் பற்றாக்குறையை நிவா்த்தி செய்யவும், கோ-ஆப்டெக்ஸ் விற்பனை நிலையங்களில் கைத்தறி ரகங்களின் விற்பனையை அதிகப்படுத்தும் நோக்கிலும், டிஎன்பிஎஸ்சி மூலம் 90 ஆண் பணியாளா்கள் மற்றும் 76 பெண் பணியாளா்கள் என மொத்தம் 166 உதவி விற்பனையாளா் பணியிடத்துக்கு தோ்வு செய்யப்பட்டவா்களுக்கு பணிநியமன ஆணைகளை வழங்கும் அடையாளமாக 5 பேருக்கு பணிநியமன ஆணைகள் வழங்கப்பட்டன.
மருத்துவம் மற்றும் மக்கள் நல்வாழ்வுத் துறை சாா்பில் மருத்துவப் பணியாளா்
தோ்வு வாரியத்தால் (எம்ஆா்பி) 74 இ.சி.ஜி. தொழில்நுட்ப வல்லுநா் பணியிடத்துக்கும், 44 இயன்முறை சிகிச்சையாளா் பணியிடத்துக்கும் தோ்வு செய்யப்பட்டவா்களுக்கும், டிஎன்பிஎஸ்சி மூலம் தோ்வான 205 இளநிலை உதவியாளா் மற்றும் 68 தட்டச்சா் பணியிடங்களுக்கு தோ்வு செய்யப்பட்டவா்களுக்கும் பணிநியமன ஆணைகளை வழங்கும் அடையாளமாக 5 பேருக்கும் பணிநியமன ஆணைகள் வழங்கப்பட்டன.
இதற்காக சென்னை தலைமைச் செயலகத்தில் வெள்ளிக்கிழமை நடைபெற்ற நிகழ்ச்சிகளில் தோ்வு செய்யப்பட்டவா்களுக்கான பணி நியமன ஆணைகளை முதல்வா் மு.க.ஸ்டாலின் வழங்கினாா்.
இந்த நிகழ்ச்சியில் பால்வளத் துறை அமைச்சா் ஆா்.எஸ்.ராஜகண்ணப்பன், கைத்தறி மற்றும் துணிநூல் துறை அமைச்சா் ஆா்.காந்தி, மக்கள் நல்வாழ்வுத் துறை அமைச்சா் மா.சுப்பிரமணியன், தலைமைச் செயலா் நா.முருகானந்தம், மருத்துவம் மற்றும் மக்கள் நல்வாழ்வுத் துறை முதன்மைச் செயலா் ப.செந்தில்குமாா், கைத்தறி, கைத்திறன், துணிநூல் மற்றும் கதா் துறை செயலா் வே.அமுதவல்லி, ஆவின் நிா்வாக இயக்குநா் ஆ.அண்ணாதுரை, கோ-ஆப்டெக்ஸ் மேலாண்மை இயக்குநா் தீபக் ஜேக்கப் உள்ளிட்டோா் கலந்து கொண்டனா்.
