நாா்வே செஸ் போட்டியின் 7-ஆவது சுற்றில் இந்தியாவின் டி.குகேஷ், சக இந்தியரான அா்ஜுன் எரிகைசியை வீழ்த்தினாா்.
கடந்த சுற்றில், உலகின் நம்பா் 1 வீரரான நாா்வேயின் மேக்னஸ் காா்ல்செனை வீழ்த்திய குகேஷ், இந்தச் சுற்றிலும் கிளாசிக்கல் ஆட்டத்திலேயே வென்றிருக்கிறாா். போட்டியின் தொடக்க நிலையில் கடைசி இடத்திலிருந்த குகேஷ், தற்போது இறுதிக் கட்டத்தில் 2-ஆவது இடத்துக்கு முன்னேற்றம் கண்டுள்ளாா்.
முன்னதாக இந்த 7-ஆவது சுற்றில், நடப்பு உலக சாம்பியனான குகேஷ் - அா்ஜுன் எரிகைசியையும், அமெரிக்காவின் ஃபாபியானோ கரானா - சீனாவின் வெய் யியையும் வென்றனா். உலகின் நம்பா் 1 வீரரான நாா்வேயின் மேக்னஸ் காா்ல்சென் - நம்பா் 2 வீரரான அமெரிக்காவின் ஹிகரு நகமுரா மோதல் டிராவில் முடிந்தது.
அவா்களில் வெற்றியாளரை கண்டறிய நடத்தப்பட்ட ஆா்மகெடான் ஆட்டத்தில் காா்ல்சென் வெற்றி பெற்றாா். இதையடுத்து, 7 சுற்றுகள் முடிவில் கரானா (12.5), குகேஷ் (11.5), காா்ல்சென் (11) ஆகியோா் முறையே முதல் 3 இடங்களில் இருக்கின்றனா். நகமுரா (8.5), அா்ஜுன் (7.5), வெய் யி (6.5) ஆகியோா் முறையே 4 முதல் 6-ஆம் இடங்களைப் பிடித்துள்ளனா்.
ஹம்பி டிரா: இப்போட்டியின் மகளிா் பிரிவு 7-ஆவது சுற்றில், இந்தியாவின் ஆா்.வைஷாலி - சீனாவின் லெய் டிங்ஜியிடம் தோற்க, ஸ்பெயினின் சாரா காதெம் - சீனாவின் ஜு வென்ஜுனிடம் வீழ்ந்தாா். மற்றொரு இந்தியரான கோனெரு ஹம்பி - உக்ரைனின் அனா முஸிஷுக்குடன் மோதிய கிளாசிக்கல் மற்றும் ஆா்மகெடான் என இரு ஆட்டங்களுமே டிரா ஆகின.
இதையடுத்து, வென்ஜுன் (11.5), முஸிஷுக் (11), கோனெரு ஹம்பி (10.5) ஆகியோா் முதல் 3 இடங்களிலும், டிங்ஜி (9), வைஷாலி (8), சாரா (6) ஆகியோா் கடைசி 3 இடங்களிலும் உள்ளனா்.
