நாா்வே செஸ் போட்டி இறுதிக் கட்டத்தை அடைந்திருக்கும் நிலையில், இந்தியாவின் டி.குகேஷ் அதில் சாம்பியனாகும் முனைப்புடன் முன்னேறி வருகிறாா்.
போட்டியின் 9-ஆவது சுற்றில், நடப்பு உலக சாம்பியனான குகேஷ் - சீனாவின் வெய் யியை கிளாசிக்கல் கேமிலேயே வீழ்த்தினாா். அதேபோல், நாா்வேயின் மேக்னஸ் காா்ல்சென் - அமெரிக்காவின் ஃபாபியானோ கரானாவை சாய்த்தாா். இந்தியாவின் அா்ஜுன் எரிகைசி - அமெரிக்காவின் ஹிகரு நகமுரா மோதல் டிராவில் முடிய, அவா்களில் வெற்றியாளரைக் கண்டறிய நடத்தப்பட்ட ஆா்மகெடான் ஆட்டத்தில், நகமுரா வென்றாா்.
போட்டியில் இன்னும் ஒரு சுற்று மட்டுமே எஞ்சியிருக்கும் நிலையில், 9 சுற்றுகள் முடிவில் காா்ல்சென் 15 புள்ளிகளுடன் முன்னிலை வகிக்கிறாா். குகேஷ் 14.5 புள்ளிகளுடன் 2-ஆவது இடத்தில் இருக்கிறாா். நகமுரா (13), கரானா (12.5), அா்ஜுன் (11.5), வெய் யி (8) ஆகியோா் முறையே 3 முதல் 6-ஆவது இடங்களில் இருக்கின்றனா்.
கடைசி சுற்றில் காா்ல்சென் கிளாசிக்கல் கேமில் தோற்று, குகேஷ் ஆா்மகெடான் ஆட்டத்தில் வென்றாலேயே குகேஷ் சாம்பியனாகிவிடுவாா்.
பின்னடைவு: இப்போட்டியின் மகளிா் பிரிவு 9-ஆவது சுற்றில், அனைவரின் மோதலும் கிளாசிக்கல் கேமிலேயே நிறைவடைந்தன. இந்தியாவின் கோனெரு ஹம்பி - சீனாவின் லெய் டிங்ஜியிடமும், ஆா்.வைஷாலி - ஸ்பெயினின் சாரா காதெமிடமும் தோல்வி காண, உக்ரைனின் அனா முஸிஷுக் - சீனாவின் ஜு வென்ஜுனை வீழ்த்தினாா்.
இதையடுத்து புள்ளிகள் பட்டியலில் தற்போது, முஸிஷுக் (15.5) முதலிடத்திலும், கோனெரு ஹம்பி (13.5) அடுத்த இடத்திலும் உள்ளனா். டிங்ஜி (13), வென்ஜுன் (12.5), வைஷாலி (9.5), சாரா (9) ஆகியோா் முறையே அடுத்த 4 இடங்களில் உள்ளனா்.
கடைசி சுற்றில் முஸிஷுக் கிளாசிக்கல் கேமிலேயே தோற்று, கோனெரு ஹம்பி கிளாசிக்கல் கேமிலேயே வென்றால் மட்டுமே கோனெரு ஹம்பி சாம்பியனாகும் வாய்ப்பு உள்ளது.
