BB Tamil 9: "எதுக்கு என்னப் பத்தி முதுகுக்குப் பின்னாடி பேசுற"- பார்வதியிடம் கோபப்பட்ட வினோத்

பிக் பாஸ் சீசன் 9 நிகழ்ச்சியின் இன்றைய (அக்.28) நாளுக்கான மூன்றாவது புரொமோ வெளியாகியிருக்கிறது.

கடந்த அக்டோபர் 5 ஆம் தேதி தொடங்கிய பிக் பாஸ் வீட்டில் மொத்தம் 20 பேர் பங்கேற்றிருந்தனர்.

இதில் நந்தினி, பிரவீன் காந்தி, அப்சரா ஆகியோர் வெளியேற, 17 பேர் பிக் பாஸ் வீட்டில் போட்டியாளர்களாக இருந்தனர்.

கடந்த வாரம் ஆதிரை வெளியேற்றப்பட்டிருந்தார். தற்போது 16 போட்டியாளர்கள் பிக் பாஸ் வீட்டில் இருக்கின்றனர்.

அடுத்து வைல்டு கார்டு என்ட்ரியாக சின்னத்திரை தம்பதியினரான பிரஜின் – சாண்ட்ரா ஜோடி செல்லவிருக்கின்றனர்.

இந்நிலையில் இன்றைய நாளுக்கான மூன்றாவது புரொமோ வெளியாகியிருக்கிறது. அந்த புரொமோவில் விஜே பார்வதிக்கும், வினோத்துக்கும் வாக்குவாதம் நடக்கிறது. "வினோத்துக்கு நாமினேஷனில் 5 ஓட்டு விழுந்ததுக்கு நான்தான் காரணம்'னு சொல்லுவார்" என பார்வதி கம்ருதீன், திவாகரிடம் குமுற வினோத் பார்வதியிடம் சண்டைப்போடுகிறார்.

"நான் அமைதியாதான் இருக்கேன். என் கிட்ட சீன் போடாத. எதுக்கு என்னப் பத்தி முதுகுக்கு பின்னாடி பேசுற" என வினோத் கோபப்படுகிறார்.

அதற்கு," என் கூட பேசுறதுனாலதான் கம்ருதீனை எல்லோரும் ஒதுக்குறாங்கன்னு நீ சொல்லும்போது எனக்கு எப்படி இருந்திருக்கும்" என பார்வதி வினோத்திடம் வாதாடுகிறார்.