CAG Report : `தமிழ்நாடு பசுமை வீடு திட்டம்; பயனாளிகள், தகடு... அனைத்திலும் குளறுபடி'

2011-ம் ஆண்டு தமிழ்நாட்டில் அதிமுக ஆட்சியில் அறிமுகப்படுத்தப்பட்ட சூரிய ஒளியில் இயங்கும் பசுமை வீடு திட்டத்தை கடுமையாக விமர்சித்துள்ளது இந்திய தலைமை தணிக்கையகம் அறிக்கை.

அந்த CAG அறிக்கையில்,

"இந்த திட்டம் மூலம் பயன்பெற்ற பெரும்பாலானவர்கள், இந்த திட்டத்தில் பயன்பெற தகுதி இல்லாதவர்கள் தான். மேலும், இந்தத் திட்டத்தில் பயன்படுத்தப்பட்டிருக்கும் SPVHL சிஸ்டமும் தரமற்றது ஆகும்.

இந்தத் திட்டத்தின் விதிமுறைப்படி, ஒரு ஊரின் பஞ்சாயத்திற்குள் இருக்கும் தகுதியானவர் கிராம சபை ஒப்புதலுடன் பசுமை வீடு திட்டத்திற்கு விண்ணப்பிக்கலாம்.

ஆனால், இந்தத் திட்டத்தில் பயன்பெற தேர்ந்தெடுக்கப்பட்ட 57 கிராமங்களில் 27 கிராமங்களுக்கு கிராம சபையால் அல்லாமல் தொகுதி வளர்ச்சி அலுவலரால் ஒப்புதல் அளிக்கப்பட்டுள்ளது.

கோவை, கடலூர் ஆகிய மாவட்டங்களில் டெண்டர் எடுத்தவர்களிடம் சரியான ஆவணங்கள் பெறப்படவில்லை. திண்டுக்கல், திருச்சி மாவட்டங்களிலும் SPVHL சிஸ்டத்தில் குளறுபடிகள் நடந்துள்ளது.

மேலும், இந்த திட்டத்தில் SPVHL சிஸ்டத்தை பராமரிக்க சர்வீஸ் சென்டர்களும், எப்படி பராமரிக்க வேண்டும் என்பதை கற்றுகொடுக்க டிரைனிங்கும் நடத்த வேண்டும். ஆனால், சர்வீஸ் சென்டருக்கானவோ அல்லது டிரைனிங் நடந்ததற்கோ எந்தவொரு அறிகுறியுமே இல்லை.

ஆக, சூரிய ஒளியில் இயங்கும் பசுமை வீடு திட்டத்தில் நடந்துள்ள மோசடிகளை அரசு விசாரிக்க வேண்டும்" என்று கூறப்பட்டுள்ளது.

நீங்கள் விரும்பி படித்த தொடர்கள், இப்போது ஆடியோ வடிவில்... புத்தம் புதிய விகடன் ப்ளே... உங்கள் அன்றாட பணிகளை கவனித்துக் கொண்டே ரசித்து கேட்க, உடனே இன்ஸ்டால் செய்யுங்கள்...

https://bit.ly/MaperumSabaithanil