2034-இல் ஒரே நாடு, ஒரே தேர்தல் முறை அமல்! - நிர்மலா சீதாராமன்
Dhoni : `இன்றைய போட்டியோடு ஓய்வை அறிவிக்கிறாரா தோனி?'- பரவும் செய்தியும் பின்னணியும்
'பரவும் செய்தி!'
சென்னை சூப்பர் கிங்ஸ் அணி டெல்லி கேப்பிட்டல்ஸ் அணியுடன் இன்று சேப்பாக்கத்தில் மோதவிருக்கிறது. ருத்துராஜ் கெய்க்வாட்டுக்கு காயம் ஏற்பட்டிருப்பதால் தோனி இந்தப் போட்டியில் கேப்டனாக செயல்படுவார் என எதிர்பார்க்கப்படுகிறது. இந்தச் செய்தி வெளியானவுடன் தோனி இன்றைய போட்டியோடு ஓய்வு பெறப்போகிறார் எனப் பல்வேறு செய்தி நிறுவனங்களும் ரசிகர்களும் சமூக வலைதளங்களில் பதிவிட்டு வருகின்றனர். உண்மையிலேயே தோனி இன்றைய போட்டியோடு ஓய்வை அறிவிக்கப் போகிறாரா?
'பின்னணி என்ன?'
சென்னை அணியின் நிர்வாகத்தினர் வட்டாரத்திலும் சேப்பாக்கத்தின் வட்டாரத்திலும் இப்படி ஒரு பேச்சே அடிபடவில்லை. தோனி இன்றைய போட்டியில் கேப்டனாக இருக்கக்கூடும் என்ற தகவலை மட்டும்தான் மைக் ஹஸ்ஸி பத்திரிகையாளர் சந்திப்பில் கூறியிருந்தார்.

ருத்துராஜூக்கு காயம் குணமாகாவிடில் டெல்லிக்கு எதிரான போட்டியில் கேப்டன் யார் என ஹஸ்ஸியிடம் கேள்வி கேட்கப்பட்டது. அதற்கு ஹஸ்ஸி, ''ருத்துராஜ் குணமாகிவிடுவார் என நம்புகிறோம். இன்றும் பேட்டிங் ஆடுகிறார். ஆனால், இன்னும் எதுவும் உறுதியாகவில்லை.
ருத்துராஜ் கேப்டனாக இல்லையெனில், யார் கேப்டனாக இருப்பார் என்பதை பற்றி ருத்துராஜூம் ப்ளெம்மிங்கும்தான் முடிவு செய்வார்கள். எங்கள் அணியில் ஒரு இளம் விக்கெட் கீப்பர் இருக்கிறார். அவர் கேப்டனாக இருக்கலாம்." என்றார்.
போட்டிக்கு முந்தைய நாளான நேற்று சேப்பாக்கம் மைதானத்தில் இவ்வளவுதான் நடந்தது. ஆனால், அதற்குள் எதோ தோனியின் Farewell க்காக கேப்டன்சி கொடுக்கப்படுவதை போல வெளியில் பேசப்பட்டுக் கொண்டிருக்கிறது. அப்படியெல்லாம் இல்லவே இல்லை. ருத்துராஜ் காயமடைந்திருக்கிறார். அவரால் ஆட முடியாதபட்சத்தில் தோனி கேப்டனாக இருப்பார் என்பது மட்டுமே நம்பத்தகுந்த செய்தி.

இந்திய அணிக்கே தோனி இதே மாதிரி கேப்டனாக இருந்திருக்கிறார். ஆப்கானிஸ்தானுக்கு எதிரான ஒரு போட்டியில் விராட் கோலி எதோ காரணங்களால் ஆட முடியாமல் போக தோனி ஒரே ஒரு போட்டியில் மட்டும் மீண்டும் கேப்டனாக செயல்பட்டிருப்பார். இங்கேயும் அதுதான் நடக்கப்போகிறது. தோனி மாதிரியான ஒரு வீரர் இப்படி சீசனின் நடுவிலேயே கட்டாயம் ஓய்வை அறிவிக்கமாட்டார். வெறும் நான்கு போட்டிகளோடு ஓய்வை அறிவிப்பதாக இருந்தால் அவர் இந்த சீசனுக்கே வந்திருக்கமாட்டார். இருப்பினும் அனைவரும் எதிர்பார்க்காத வகையில் ஏதாவது ஒரு சர்ப்ரைஸையும் தோனி செய்யக்கூடியவர் என்பதால் என்ன நடக்கும் என்பதை பொறுத்திருந்து பார்ப்போம்.