EICMA 2024: `இன்டர்செப்டர் 650 பைக்கின் அடுத்த வெர்ஷன்’ - அசத்தலான ராயல் என்ஃபீல்டு Bear 650

நம் தலைநகர் டெல்லியில் 2 ஆண்டுகளுக்கு ஒரு முறை நடக்கும் ஆட்டோ எக்ஸ்போ தெரியும்தானே! அதைப்போன்று இத்தாலியில் EICMA (Esposizione Internazionale Ciclo Motociclo e Accessori) என்றொரு ஆட்டோ ஷோ நேற்றிலிருந்து நடந்து கொண்டிருக்கிறது. இதில் நம் ஊர் நிறுவனங்கள் பல தங்களுடைய வாகனங்களை ரிவீல், லாஞ்ச் செய்து கலக்கி வருகின்றன. 

ராயல் என்ஃபீல்டு பியர் 650

C6 எலெக்ட்ரிக்கைத் தொடர்ந்து பியர் 650 என்றொரு 650 சிசி பைக்கை 3.39 லட்ச ரூபாய் விலைக்கு லாஞ்ச் செய்திருக்கிறது. இன்டர்செப்டர் 650 பைக்கின் அடுத்த வெர்ஷன் என்று இதைச் சொல்லலாம். இது ஒரு ஸ்க்ராம்ப்ளர் வகை பைக். இதன் டாப் எண்ட் Two Four Nine என்கிற வேரியன்ட் 3.59 லட்சம் எக்ஸ் ஷோரூம் விலை வருகிறது. 

முன் பக்கம் 19 இன்ச், பின் பக்கம் 17 இன்ச் வீல் செட்அப், Showa யுஎஸ்டி ஃபோர்க்குகள், பின் பக்கம் புதிய டூயல் ஷாக் அப்ஸார்பர்கள், 130 / 115 மிமீ முன் மற்றும் பின் பக்க சஸ்பென்ஷன் டிராவல், 830 மிமீ சீட் உயரம், 184 மிமீ கிரவுண்ட் கிளியரன்ஸ், 216 கிலோ கெர்ப் எடை, டூயல் சேனல் ஏபிஎஸ், 648 சிசி பேரரல் ட்வின் இன்ஜின் செட்அப், 47hp மற்றும் 56.5Nm டார்க், ஸ்டைலான Two-into-One எக்ஸாஸ்ட் சிஸ்டம், கரீல்லா மற்றும் ஹிமாலயன் பைக்குகளில் உள்ள வட்ட வடிவ டிஎஃப்டி டிஸ்ப்ளே என்று ஏகப்பட்ட விஷயங்களுடன் வரும் இந்த பியர் 650, மொத்தம் 5 கலர் ஆப்ஷன்களில் வரப் போகிறது. இதன் புக்கிங் நவம்பர் 10-ல் இருந்து தொடங்கும்.