Gujarat: MBBS மாணவரின் உயிரைப் பறித்த `ராகிங்' - என்ன சொல்கிறது கல்லூரி நிர்வாகம்?

குஜராத்தில் உள்ள ஒரு மருத்துவக்கல்லூரியில் சீனியர்கள் ராகிங் காரணமாக முதலாமாண்டு மாணவர் மரணமடைந்துள்ளது அதிர்ச்சியை ஏற்படுத்தியிருக்கிறது.

அனில் மெதானியா என்ற அந்த மாணவர் குஜராத் அரசு கட்டுப்பாட்டில் இருக்கும் GMERS மருத்துவக்கல்லூரி மருத்துவமனையில் இடம்பெற்று சேர்ந்துள்ளார்.

கல்லூரி விடுதி வளாகத்தில் மூன்றாம் ஆண்டு மாணவர்கள் 'அறிமுகம் - Intro' செய்வதாக வன்பகடி (ராகிங்) செய்துள்ளனர். அனில் மெதானியாவை 3 மணிநேரத்துக்கும் மேலாக நிற்கும்படி கட்டாயப்படுத்தியிருக்கின்றனர். இண்ட்ரோ செய்வதாக ராகிங் செய்வது அங்கு வழக்கமான ஒன்றாக இருந்துள்ளது.

18 வயது இளைஞரான அனில் 3 மணிநேரம் தொடர்ந்து நின்றதினால் நிலைகுலைந்து விழுந்துள்ளார். அவரை மருத்துவமனைக்கு தூக்கிச் சென்றுள்ளனர். மருத்துவமனையில் காவல்துறையினரிடம் வாக்குமூலம் அளித்துள்ளார். அடுத்த சில மணிநேரங்களில் உயிரிழந்திருக்கிறார்.

அனிலின் உடலைஉடற்கூராய்வுக்கு அனுப்பியிருக்கின்றனர். அவரது மரணம் குறித்து கூடுதல் தகவல்கள் தெரிய வரலாம் என்கின்றனர்.

கல்லூரி இருக்கும் பதான் நகரில் இருந்து 150 கிலோமீட்டர் தொலைவில் வசிக்கின்றது அனில் மெதானியாவின் குடும்பம். அனில் மயங்கிவிட்டதாகவும் மருத்துவமனையில் அனுமதிக்கப்பட்டிருப்பதாகவும் தகவல் அறிந்து மருத்துவமனைக்கு வந்துள்ளனர்.

அனிலின் மரணத்தையும் அதற்கு சீனியர்களின் ராகிங்தான் காரணம் என்பதையும் அறிந்து அதிர்ச்சியடைந்துள்ளனர். தங்களது மகனின் இறப்புக்கு நீதி வேண்டும் என குரலெழுப்பி வருகின்றனர்.

மருத்துவமனை மருத்துவக்கல்லூரியின் தலைவர் ஹர்திக் ஷா, "அவர் மயக்கமடைந்தார் எனத் தெரிந்ததுமே நாங்கள் அவரை மருத்துவமனையில் சேர்த்திவிட்டோம். அவர் ராகிங் செய்யப்பட்டதாகவும் 3 மணிநேரம் நிற்கவைக்கப்பட்டதாகவும் காவல்துறையினரிடம் தெரிவித்திருக்கிறார். நாங்கள் காவல்துறையினரிடமும் அவரது குடும்பத்தினரிடமும் தகவல் தெரிவித்துவிட்டோம். ராகிங் குறித்து நாங்கள் கண்டிப்பான நடவடிக்கை எடுப்போம்" எனப் பேசியுள்ளார்.

காவல்துறை பதிவு செய்துள்ள முதல் தகவல் அறிக்கையில் 15 சீனியர் மாணவர்களின் பெயர்கள் இடம்பெற்றுள்ளது குறிப்பிடத்தக்கது.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்... https://tinyurl.com/2b963ppb

வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...https://tinyurl.com/2b963ppb