Sivakarthikeyan: SK23 படக்குழுவுக்குப் பிரியாணி விருந்து வைத்த சிவகார்த்திகேயன்; காரணம் தெரியுமா?

சிவகார்த்திகேயன் நடிப்பில் தீபாவளி வெளியீடாகத் திரைக்கு வந்து நல்ல வரவேற்பைப் பெற்றது 'அமரன்'.

மறைந்த ராணுவ வீரர் மேஜர் முகுந்த் வராதராஜனின் பயோபிக் திரைப்படமான இதில் சிவகார்த்திகேயன், முகுந்த் வரதராஜனாக நடித்திருந்தார். விமர்சன ரீதியாகவும் வசூல் ரீதியாகவும் நல்ல வரவேற்பைப் பெற்றது இத்திரைப்படம்.

படத்தின் இந்த வெற்றியைத் தொடர்ந்து திரையரங்க உரிமையாளர்கள் சங்கம் படக்குழுவினரிடமும் படத்தின் ஓ.டி.டி ரிலீஸ் தேதியைத் தள்ளி வைக்கக் கோரிக்கை வைத்திருந்தனர். இப்படத்தின் ரிலீஸ் முடிந்த கையோடு அவரின் அடுத்த திரைப்படமான 'SK 23' படத்தின் படப்பிடிப்பில் பங்கேற்று வருகிறார் சிவகார்த்திகேயன்.

அமரன் திரைப்படம் பாக்ஸ் ஆபீஸ் வசூலில் 300 கோடி எட்டியிருப்பதைக் கொண்டாடும் வகையில், 'SK 23' படக்குழுவுக்குப் பிரியாணி விருந்து வைத்திருக்கிறார் சிவகார்த்திகேயன். ஏ.ஆர். முருகதாஸ் இயக்கத்தில் உருவாகும் இப்படத்தில் ருக்மினி வசந்த், பிஜு மேனன் ஆகியோர் முக்கிய கதாபாத்திரங்களில் நடித்து வருகிறார்கள். இந்த படத்தை முடித்த பிறகு 'டான்' படத்தின் இயக்குநரான சிபி சக்ரவர்த்தி இயக்கத்தில் நடிக்கவிருக்கிறார் சிவகார்த்திகேயன். இத்தகவலை அவரே ஒரு நேர்காணலில் உறுதிப்படுத்தியிருந்தார்.

நீங்கள் விரும்பி படித்த தொடர்கள், இப்போது ஆடியோ வடிவில்... புத்தம் புதிய விகடன் ப்ளே... உங்கள் அன்றாட பணிகளை கவனித்துக் கொண்டே ரசித்து கேட்க, உடனே இன்ஸ்டால் செய்யுங்கள்...

https://bit.ly/MadrasNallaMadras

சினிமா விகடனின் பிரத்யேக Whatsapp க்ரூப்

https://chat.whatsapp.com/E0QlpeNbGHnF9W5rFKCVSU

சினிமா தொடர்பான எக்ஸ்க்ளூசிவ் அப்டேட், அசத்தல் பேட்டிகள், டி.வி அப்டேட்கள் என எதையும் மிஸ் செய்யாமல் தெரிந்து கொள்ள...

உங்கள் வாட்ஸ் அப் மூலமே இணைந்திருங்கள் சினிமா விகடனுடன்...

https://chat.whatsapp.com/E0QlpeNbGHnF9W5rFKCVSU