கொச்சியில் சட்டவிரோதமாக தங்கியிருந்த 27 வங்கதேச தொழிலாளிகள் கைது
SRK: இடித்துக் கட்டப்படவுள்ள ஷாருக்கான் வீடு; போட்டிப் போடும் பில்டர்கள்; காரணம் என்ன?
Admin
- 2 days ago
பாலிவுட் நடிகர் ஷாருக்கானுக்கு மும்பை பாந்த்ராவில் மன்னத் என்ற பங்களா இருக்கிறது. இப்பங்களாவில்தான் அவர் தனது குடும்பத்தோடு வசித்து வருகிறார். கடற்கரை அருகில் இருக்கும் இப்பங்களாவைக் காண தினமும் நூற்றுக்கணக்கானோர் வருகின்றனர். அதோடு அவர்கள் செல்பியும் எடுத்துச் செல்கின்றனர். ஷாருக்கானுக்கு பாந்த்ரா கார்டர் ரோடு பகுதியில் மற்றொரு வீடு இருக்கிறது. அம்ரித் என்ற கட்டிடத்தில் மாடியுடன் சேர்த்து இருக்கும் அந்த வீட்டை ஷாருக்கான் இதற்கு முன்பு அலுவலகமாகப் பயன்படுத்தி வந்தார்.
இப்போது அவரது அலுவலகம் சாந்தாகுரூஸ் பகுதியில் இருக்கிறது. தற்போது ஷாருக்கானுக்குச் சொந்தமான பாந்த்ரா அலுவலக வீடு இருக்கும் அம்ரித் கட்டிடம் இடித்து புதிய கட்டிடமாகக் கட்டப்பட இருக்கிறது. இதற்காக 10 பில்டர்கள் விருப்பம் தெரிவித்துள்ளனர். அவர்களில் 7 பேர் கட்டிடத்தை இடித்துவிட்டு புதிய கட்டிடம் கட்டுவதற்கான திட்டத்தையும் கட்டிட சொசைட்டியில் தாக்கல் செய்திருக்கின்றனர்.
அதில் இரண்டு பில்டர் தேர்வு செய்யப்பட்டு, இறுதியில் ஒரு பில்டர் உறுதி செய்யப்பட்டு, அந்த பில்டரிடம் பணிகள் ஒப்படைக்கப்பட இருக்கின்றன. ஷாருக்கான் தனது திருமணத்திற்குப் பிறகு மும்பை பாந்த்ராவில் ஒரு அறை கிச்சன் கொண்ட சிறிய வீட்டில் வசித்து வந்தார். அந்த வீடு அவருக்குப் போதுமானதாக இல்லை. இதனால் புதிய வீடு வாங்கும் முடிவில் ஷாருக்கான் இருந்தார். ஆனால் அதற்கு அவரிடம் போதிய பணம் இல்லாமல் இருந்தது. அந்நேரம் தயாரிப்பாளர் பிரேம் லால்வானி புதிய படம் ஒன்றில் நடிக்க ஷாருக்கானுக்கு வாய்ப்பு கொடுத்தார். உடனே புதிய வீடு வாங்க தனக்கு 40 லட்சம் கொடுக்கும்படியும், அதனை அடுத்து வரும் படங்களில் நடித்துக் கொடுத்துச் சரி செய்துவிடுவதாக ஷாருக்கான் தெரிவித்தார்.
பிரேம் லால்வானியும் 40 லட்சம் கொடுத்தார். அந்த பணத்தில் அம்ரித் கட்டிடத்தில் ஷாருக்கான் புதிய வீடு வாங்கினார். அந்த வீட்டில் அதிக நாட்கள் இருந்த ஷாருக்கான் மன்னத் பங்களாவை வாங்கிய பிறகு பழைய வீட்டைத் தனது அலுவலகமாகப் பயன்படுத்தி வந்தார்.
ஏற்கனவே பாந்த்ரா பகுதியில் வசிக்கும் ஆமீர் கானுக்குச் சொந்தமான வீடு இருக்கும் கட்டிடமும் இடிக்கப்பட்டு புதிய கட்டிடம் கட்டப்பட்டு வருகிறது. அதனைத் தொடர்ந்து ஷாருக்கான் வீடும் இடிக்கப்பட இருக்கிறது.
சினிமா விகடனின் பிரத்யேக Whatsapp க்ரூப்
https://chat.whatsapp.com/KzgH8aPb2MI9PVttY53JpX
சினிமா தொடர்பான எக்ஸ்க்ளூசிவ் அப்டேட், அசத்தல் பேட்டிகள், டி.வி அப்டேட்கள் என எதையும் மிஸ் செய்யாமல் தெரிந்து கொள்ள...
உங்கள் வாட்ஸ் அப் மூலமே இணைந்திருங்கள் சினிமா விகடனுடன்...
