Uttarakhand Bus Accident: 200 மீட்டர் பள்ளத்தில் விழுந்த பேருந்து; அதிகரிக்கும் உயிரிழப்புகள்

உத்தரகண்ட் மாநிலம் அல்மோரா மாவட்டத்தில் ஏற்பட்ட சாலை விபத்தில் பலி எண்ணிக்கை 35ஆக உயர்ந்துள்ளது.

45 இருக்கைகளைக் கொண்ட பேருந்து, மர்ச்சுலா பகுதியில் 200 மீட்டர் ஆழமான பள்ளத்தாக்கில் விழுந்து விபத்துக்குள்ளானது. ராம்நகரை அடைவதற்கு 35 கிலோமீட்டர் முன்னால், காலை 8:25 மணியளவில் விபத்து நடந்துள்ளது. அருகிலிருந்த கிராம மக்கள் விபத்தைப் பார்த்து தகவலளித்துள்ளனர். காவல்துறையினரும் பேரிடர் மீட்புப் படையினரும் மீட்புப்பணிகளில் ஈடுபட்டனர்.

விபத்து நடந்த இடத்திலேயே சில பயணிகள் உயிரிழந்துள்ளனர். தீவிர காயமடைந்திருந்த 9 பேர் மருத்துவமனைகளுக்கு அழைத்துச்செல்லப்பட்டனர். 3 பேர் வான் வழியாக எய்ம்ஸ் மருத்துவமனைக்கு அழைத்துச்செல்லப்பட்டனர். விபத்துக்கான காரணம் குறித்து இன்னும் அறியப்படவில்லை.

முதலமைச்சர் புஷ்கர் சிங் தாமி இன்று (நவம்பர் 4) காலையில், "பயணிகள் மரணம் குறித்த சோகமான செய்தியைக் கேட்டறிந்தேன். மீட்புப் பணிகளை விரைவாக மேற்கொள்ள மாவட்ட நிர்வாகத்துக்கு உத்தரவிட்டுள்ளேன்" என்று கூறினார்.

விபத்து நடந்த பகுதியின் ஆர்.டி.ஓ அதிகாரி இடைநீக்கம் செய்யப்பட்டுள்ளார்.

விபத்தில் இறந்தவர்கள் குடும்பத்துக்கு ரூ.4 லட்சமும் காயமடைந்தவர்களுக்கு ரூ.1 லட்சமும் இழப்பீடு அறிவிக்கப்பட்டுள்ளது.

விபத்துக்கான காரணத்தை அறியும் விசாரணையும் முடுக்கிவிடப்பட்டுள்ளது. விபத்து குறித்து அறிந்த பிரதமர் மோடி தனது இரங்கலைத் தெரிவித்திருக்கிறார்.

மத்திய அரசு சார்பில் மரணமடைந்தவர்கள் குடும்பத்துக்கு ரூ.2 லட்சமும், காயமடைந்தவர்களுக்கு 50 ஆயிரமும் இழப்பீடு அறிவித்துள்ளார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்https://bit.ly/3OITqxs

வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்... https://bit.ly/3OITqxs