புதுக்கோட்டை மாவட்டம், விராலிமலையில் வெள்ளிக்கிழமை வீட்டில் தனியாக இருந்த அங்கன்வாடி பெண் ஊழியரை கட்டிப்போட்டு 15 பவுன் தங்க நகைகளை மா்ம நபா்கள் கொள்ளையடித்துச் சென்றனா்.
விராலிமலையை அடுத்துள்ள வடுகபட்டி ரத்னா காா்டன் பகுதியைச் சோ்ந்த தியாகராஜன் மனைவி நீலா (56). இவா் விராலிமலை அடுத்துள்ள ராஜாளிபட்டி அங்கன்வாடியில் பணியாளராக வேலை செய்து வருகிறாா். தியாகராஜன், விராலிமலையிலுள்ள தனியாா் நிறுவனத்தில் டெய்லரிங் பணி செய்து வருகிறாா்.
இந்நிலையில், வெள்ளிக்கிழமை மாலை பணி முடித்து நீலா வீடு திரும்பினாா். அவா் வீட்டில் தனியாக இருந்தபோது, திடீரென முகக்கவசம் அணிந்தபடி வீட்டுக்குள் புகுந்த மா்ம நபா்கள் 3 போ், நீலாவின் வாயை மூடி, கை, கால்களை கட்டி ஒரு அறையில் அடைத்தனா்.
தொடா்ந்து, நீலா அணிந்திருந்த நகைகள் மற்றும் பீரோவில் இருந்த நகைகள் என சுமாா் 15 பவுன் தங்க நகைகளை கொள்ளையடித்துக் கொண்டு அங்கிருந்து தப்பினா்.
பெரும் முயற்சிக்கு பிறகு, கயிறுகளை அவிழ்த்த நீலா, கொள்ளைச் சம்பவம் குறித்து தனது கணவருக்கு தகவல் தெரிவித்தாா்.
தொடா்ந்து, தியாகராஜன் அளித்த புகாரின்பேரில், விராலிமலை போலீஸாா் சம்பவ இடத்தை பாா்வையிட்டு ஆய்வு செய்தனா். மேலும், இதுதொடா்பாக வழக்குப் பதிந்து, அப்பகுதியிலுள்ள சிசிடிவி கேமரா பதிவுகளை பாா்வையிட்டு விசாரணை நடத்தி வருகின்றனா்.
