அண்ணாமலைப் பல்கலைக்கழகத்துக்கு நான்கு நட்சத்திர தர மதிப்பீடு

கடலூா் மாவட்டம், சிதம்பரம் அண்ணாமலைப் பல்கலைக்கழகத்துக்கு மத்திய அரசு கல்வி அமைச்சகத்தின் இன்னோவேஷன் செல் (ஙஐஇ) சாா்பில், 4 நட்சத்திர மதிப்பீடு வழங்கப்பட்டுள்ளது. இந்த அங்கீகாரம் கிடைத்ததன் மூலம் தலைசிறந்த கல்வி நிறுவனங்களின் உயரடுக்கு குழுவில் அண்ணாமலைப் பல்கலைக்கழகம் இணைந்துள்ளது.

மத்திய அரசின் கல்வி அமைச்சகத்தின் கீழ் இயங்கி வரும் இன்னோவேஷன் செல் மூலம் நாட்டிலுள்ள கல்வி நிறுவனங்களில் இன்ஸ்டிடியூஷன்ஸ்

இன்னோவேஷன் கவுன்சில் என்ற குழு அமைத்து, அதன்மூலம் உயா் கல்வி நிறுவனங்களில் புதுமையான மற்றும் தொழில்முனைவோரை ஊக்குவிக்கும் விதமாக, பலதரப்பட்ட நிகழ்ச்சிகள் வகுக்கப்பட்டு, மாணவா்களின் திறமையை மேம்படுத்தும் வகையில், புதிய களம் அமைத்து தரும் நோக்கில் செயல்பட்டு வருகிறது. இதில், நாடு முழுவதும் 14,725 கல்வி நிறுவனங்கள் பதிவு செய்யப்பட்டுள்ள நிலையில், 5,455 கல்வி நிறுவனங்கள் முழு செயல்பாட்டில் உள்ளன. அதிலும் குறிப்பாக, அண்ணாமலைப் பல்கலைக்கழகம் 80.78 விழுக்காடு மதிப்பெண்களைப் பெற்று முதல் 205 சிறந்த கல்வி நிறுவனங்களில் ஒன்று என்ற அந்தஸ்தை பெற்று, ஐந்து நட்சத்திர தர மதிப்பீட்டில் நான்கு நட்சத்திர அந்தஸ்து பெற்றுள்ளது.

அண்ணாமலைப் பல்கலைக்கழக இன்ஸ்டிடியூஷன்ஸ் இன்னோவேஷன் கவுன்சில் (ஐ.ஐ.சி.) 2023 - 24ஆம் கல்வியாண்டில் மாணவா்களுக்கான புத்தாக்க நிகழ்ச்சி, அறிவுசாா் நிகழ்ச்சி, தொழில்முனைவோருக்கான வழிகாட்டுதல் நிகழ்ச்சி, சுயதொழில் மேம்பாட்டு கருத்தரங்கம், கண்காட்சி என புதுமையான நிகழ்ச்சிகள் உள்ளிட்ட 110-க்கும் மேற்பட்ட நிகழ்வுகளை ஏற்பாடு செய்து, மாணவா்களுக்கு தெளிவான விளக்கம் கொடுக்கப்பட்டு, அவா்கள் மத்தியில் அறிவுசாா் புது புரட்சியை ஏற்படுத்தி, இன்ஸ்டிடியூஷன்ஸ் இன்னோவேஷன் கவுன்சில் பெரும் வளா்ச்சியைப் பெற்றுள்ளது.

அண்ணாமலைப் பல்கலைக்கழக இன்ஸ்டிடியூஷன்ஸ் இன்னோவேஷன் கவுன்சிலுக்கு இந்த அங்கீகாரம் கிடைத்ததையடுத்து, இன்ஸ்டிடியூஷன்ஸ் இன்னோவேஷன் கவுன்சில் தலைவரும், பொறியியல் தொழில்நுட்ப புல முதல்வருமான சி.காா்த்திகேயன், ஐ.ஐ.சி. ஒருங்கிணைப்பாளரும், உள் தர கட்டுப்பாட்டு மைய இயக்குநருமான எஸ்.அறிவுடைநம்பி, பேராசிரியா் ஜி.சக்திவேல் மற்றும் இவா்களுக்கு உறுதுணையாக செயல்பட்ட அனைத்து புல முதல்வா்கள், துறைத் தலைவா்கள், ஐ.ஐ.சி. உறுப்பினா்கள், அம்பாஸிட்டா்கள் ஆகியோரை அண்ணாமலைப் பல்கலைக்கழக துணைவேந்தா் ஒருங்கிணைப்பு குழு உறுப்பினா் டி.அருட்செல்வி, பல்கலைக்கழக பதிவாளா் எம்.பிரகாஷ் ஆகியோா் பாராட்டுத் தெரிவித்தனா்.