வேலைவாய்ப்பினால் இளைஞா்கள் வாழ்வாதாரத்தை உயா்த்த வேண்டும்: அமைச்சா் எம்.ஆா்.கே.பன்னீா்செல்வம்!

இளைஞா்கள் இளம் வயதிலேயே தங்களுக்கென ஒரு வேலையை பெற்று வாழ்வாதாரத்தை உயா்த்திக் கொள்ள வேண்டும் என்று வேளாண், உழவா் நலத்துறை அமைச்சா் எம்.ஆா்.கே.பன்னீா் செல்வம் தெரிவித்தாா்.

கடலூா் மாவட்டம், வடலூா் வள்ளலாா் கலை மற்றும் அறிவியல் கல்லூரியில் மகளிா் திட்டம் சாா்பில் தனியாா் துறை வேலைவாய்ப்பு முகாம் சனிக்கிழமை நடைபெற்றது.

முகாமில், அமைச்சா் எம்.ஆா்.கே.பன்னீா்செல்வம் கலந்துகொண்டு பேசியதாவது: மகளிா் திட்டம் சாா்பில் படித்த இளைஞா்களுக்கு வேலை வாய்ப்புகளை உருவாக்கி அவா்களின் வாழ்வாதாரத்தை மேம்படுத்த வேண்டும் என்ற நோக்கில் சிறப்பு வேலைவாய்ப்பு முகாம்கள் நடத்தப்படுகிறது.

கடலூா் மாவட்டத்தில் கிராமப் பகுதியில் உள்ள இளைஞா்கள் மற்றும் குறிப்பாக பெண்கள் அதிக அளவில் வேலைவாய்ப்பை பெறுவதன் மூலம் அவா்களுக்கு தன்னம்பிக்கை ஏற்படுவதுடன், வாழ்வில் முன்னேற்றம் அடைவாா்கள்.

முகாமில் கடலூா் மாவட்டத்தைச் சோ்ந்த 1,475 வேலை நாடுநா்கள் பங்கேற்றனா். 103 தனியாா் நிறுவனங்கள் கலந்துகொண்டு நோ்காணல் நடத்தி தங்களுக்கு தேவையான பணியாளா்களை தோ்வு செய்தனா். இளைஞா்கள் இளம் வயதிலேயே தங்களுக்கென ஒரு வேலையை பெற்று வாழ்வாதாரத்தை உயா்த்தி கொள்ள வேண்டும் என்றாா்.

முன்னதாக, 22 மாற்றுத்திறனாளிகள் உள்பட 303 பேருக்கு அமைச்சா் பணி நியமண ஆணைகளை வழங்கினாா். மேலும், கோலம், கபடி, கயிறு இழுத்தல் உள்ளிட்ட போட்டிகளில் வெற்றி பெற்றவா்களுக்கு அமைச்சா் பரிசு மற்றும் பாராட்டுச் சான்றிதழ்களை வழங்கினாா்.

முகாமில், ஆட்சியா் சிபி ஆதித்யா செந்தில்குமாா், வடலூா் நகா்மன்றத் தலைவா் சு.சிவக்குமாா், கடலூா் திட்ட இயக்குநா் (தமிழ்நாடு மாநில ஊரக வாழ்வாதார இயக்கம்) பா.ஜெயசங்கா், உதவி திட்ட அலுவலா்கள் ஆ.நிலவழகி, ராஜேஷ்குமாா் உள்ளிட்டோா் கலந்துகொண்டனா்.