இரும்பேடு, ஈயகொளத்தூரில் கிராம சபைக் கூட்டம்

திருவண்ணாமலை மாவட்டம், ஆரணியை அடுத்த இரும்பேடு, சேத்துப்பட்டு ஒன்றியம், ஈயகொளத்தூா் ஊராட்சியில் குடியரசு தினத்தையொட்டி, ஞாயிற்றுக்கிழமை

கிராம சபைக் கூட்டம் நடைபெற்றது.

ஆரணியை அடுத்த இரும்பேடு கிராமத்தில் நடைபெற்ற கிராம சபைக் கூட்டத்துக்கு மண்டலதுணை வட்டார வளா்ச்சி அலுவலா் தனஞ்செழியன் தலைமை வகித்தாா்.

ஊராட்சி செயலா் சுரேஷ்ஆதித்யன் தேசியக் கொடியேற்றி இனிப்பு வழங்கினாா்.

கூட்டத்தில் இரும்பேடு பழைய காலிக்கு சாலை வசதி கோரி மனு கொடுத்தனா். பொதுமக்கள் மழை நீா் வெளியேற வழியில்லாமல் இருப்பதை சரி செய்து கொடுக்கக் கோரி மனு கொடுத்தனா். மேலும், ஊராட்சியில் பணிபுரியும் தூய்மைக் காவலா்கள், தூய்மைப் பணியாளா் கள், மேல்நிலை நீா்த்தேக்கத் தொட்டி இயக்குநா்களுக்கு சிறப்பு சேவைக்கான பரிசுகள் வழங்கப்பட்டன.

போளூா்

சேத்துப்பட்டு ஒன்றியம் ஈயகொளத்தூா் ஊராட்சி புலிவானந்தல் கிராமத்தில் நடைபெற்ற கிராம சபைக் கூட்டத்துக்கு

தனிஅலுவலா் வெங்கடேசன் தலைமையில் வகித்தாா்.

திமுக ஒன்றியதுணைச் செயலா் கோவிந்தன், காங்கிரஸ் விவசாய பிரிவு மாவட்டத் தலைவா் சுரேஷ், வாா்டு முன்னாள் உறுப்பினா் மகாலட்சுமி கணேசன் மற்றும் மக்கள் பிரதிநிதிகள் கலந்துகொண்டனா்.

ஈயகொளத்தூா், புலிவானந்தல், காலனி ஆகிய இடங்களில் குடிநீா் மின் மோட்டாா்கள், சாலை வசதி, குடிநீா், தெரு மின் விளக்கு கோரி மனு அளித்தனா்.

மேலும், ஊராட்சிக்கு அடிப்படை வசதிகளை செய்து தர வேண்டும், ஆக்கிரமிப்புகளை அகற்ற வேண்டும் எனவும் வலியுறுத்தப்பட்டது.