மண்ணச்சநல்லூா், சமயபுரம் பகுதிகளில் குடியரசு தின விழா

திருச்சி மாவட்டம், மண்ணச்சநல்லூா், சமயபுரம் உள்ளிட்ட பகுதிகளில் ஞாயிற்றுக்கிழமை குடியரசு தின விழா நடைபெற்றது.

மண்ணச்சநல்லூா் காவல் நிலையத்தில் சிறப்பு உதவி காவல் ஆய்வாளா் மகேஷ்குமாா் தேசியக் கொடியேற்றினாா். மண்ணச்சநல்லூா் பேரூராட்சியில் நடைபெற்ற நிகழ்வில் பேரூராட்சி தலைவா் சிவசண்முககுமாா் தேசியக் கொடி ஏற்றினாா்.

பேரூராட்சி செயல் அலுவலா் கிருஷ்ணவேணி மற்றும் பேரூராட்சி உறுப்பினா்கள் கலந்து கொண்டனா்.ச.கண்ணனூா் பேரூராட்சியில் நடைபெற்ற நிகழ்வில் பேரூராட்சி தலைவா் ப. சரவணன் தேசியக் கொடி ஏற்றினாா். பேரூராட்சி செயல் அலுவலா் ஜெ.கணேசன் மற்றும் பேரூராட்சி உறுப்பினா்கள் கலந்து கொண்டனா்.

இதேப்போன்று மண்ணச்சநல்லூா் அரசு மாதிரி மகளிா் மேல்நிலைப் பள்ளியில் நடைபெற்ற நிகழ்வில் பள்ளி தலைமையாசிரியா் க.முத்துச்செல்வன் தேசியக் கொடி ஏற்றி வைத்து, சிறப்புரையாற்றினாா். மேலும் சமயபுரம், சிறுகனூா் காவல் நிலையங்களில் குடியரசு தின விழா நடைபெற்றது.