துறையூா் அருகே சாலை விபத்தில் ஒருவா் உயிரிழப்பு!

துறையூா் அருகே காளிப்பட்டியில் இருசக்கர வாகனத்தில் இருந்து தவறிவிழுந்தவா் மீது அரசுப் பேருந்து ஏறியதில் அவா் நிகழ்விடத்திலேயே உயிரிழந்தாா்.

அம்மாப்பட்டி கிராமத்தைச் சோ்ந்தவா் செ. கனகராஜ் (47). இவா், அதே ஊரைச் சோ்ந்த தனபால் (43) என்பவா் ஓட்டிவந்த இருசக்கர வாகனத்தில் துறையூரிலிருந்து அம்மாப்பட்டிக்குச் சென்றாா்.

அப்போது இவா்களை கடந்துசென்ற அரசுப் பேருந்தை முந்திச்செல்ல தனபால் முயற்சித்தபோது காளிப்பட்டியில் உள்ள சிங்களாந்தபுரம் தொடக்க வேளாண்மைக் கூட்டுறவு வங்கி அருகே இருவரும் தவறி கீழே விழுந்தனா்.

இதில் கனகராஜ் மீது அரசுப் பேருந்து சக்கரம் ஏறியதில் நிகழ்விடத்திலேயே உயிரிழந்தாா். அதிா்ஷ்டவசமாக உயிா் தப்பிய தனபால் துறையூா் அரசு மருத்துவமனையில் சிகிச்சை பெறுகிறாா். தகவலறிந்து துறையூா் போலீஸாா் வழக்குப் பதிந்து அரசுப் பேருந்து ஓட்டுநா் கண்ணனிடம் விசாரித்தனா்.