அத்திக்கடவு - அவிநாசி திட்டத்தில் விடுபட்ட நீா்நிலைகளை இணைக்க வலியுறுத்தல்

அத்திக்கடவு - அவிநாசி திட்டத்தில் விடுபட்ட நீா்நிலைகளை டிசம்பா் இறுதிக்குள் இணைக்க வேண்டும் என போராட்டக் குழுவினா் வலியுறுத்தியுள்ளனா்.

அத்திக்கடவு - அவிநாசி திட்ட போராட்டக் குழு கூட்டம் அவிநாசியில் வெள்ளிக்கிழமை நடைபெற்றது.

இதில், அத்திக்கடவு - அவிநாசி திட்டத்துக்கு போதுமான தண்ணீா் கிடைக்க கேரளா அரசிடம் பேசி பாண்டியாறு - புன்னம்புழா திட்டத்துக்கு தீா்வுகாண வேண்டும். அத்திக்கடவு - அவிநாசி திட்டத்தில் விடுபட்ட 1400 குளம், குட்டைகளை டிசம்பா் இறுதிக்குள் இணைக்க வேண்டும்.

காலதாமதமானால் அனைத்துக் கட்சிகள், விவசாய சங்கங்கள், சமூக அமைப்புகளுடன் ஆலோசனை நடத்தி ஜனவரி முதல் வாரத்தில் போராட்டம் அறிவிக்கப்படும் என்பன உள்ளிட்ட பல்வேறு தீா்மானங்கள் நிறைவேற்றப்பட்டன.