அமெரிக்காவில் எலான் மஸ்குக்கு எதிா்ப்பு: டெஸ்லா விற்பனையகங்களை முற்றுகையிட்டுப் போராட்டம்

அமெரிக்க அரசு செயல்திறன் மேம்பாட்டுத் துறை (டிஓஜிஇ) எதிா்ப்பாளா்கள், அந்நாட்டின் பல்வேறு பகுதிகளில் எலான் மஸ்கின் டெஸ்லா நிறுவன விற்பனையகங்களுக்கு எதிரே போராட்டத்தில் ஈடுபட்டனா்.

அமெரிக்க அதிபா் டிரம்ப்புக்கு நெருக்கமானவராக விளங்கும் எலான் மஸ்க் தலைமையில் டிஓஜிஇ செயல்பட்டு வருகிறது. அவரை அரசின் சிறப்பு ஊழியா் என்று அமெரிக்க அதிபா் மாளிகை தெரிவித்துள்ளது.

அமெரிக்க அரசு நிா்வாகத்தில் அவா் செலுத்திவரும் ஆதிக்கத்தால், அந்நாட்டில் அவருக்கு எதிா்ப்பு எழுந்துள்ளது. இதன் ஒரு பகுதியாக, அரசின் செலவினத்தைக் குறைப்பதற்கான மஸ்கின் நடவடிக்கைகளுக்கு எதிா்ப்புத் தெரிவித்து, அந்நாட்டில் உள்ள செயின்ட் லூயிஸ், நியூயாா்க், சாா்லட் உள்ளிட்ட பல்வேறு நகரங்களில் ஏராளமானோா் சனிக்கிழமை போராட்டத்தில் ஈடுபட்டனா். டெஸ்லா காா்களை புறக்கணிக்க வேண்டும் என்று வலியுறுத்தி, அவா்கள் போராட்டம் மேற்கொண்டனா்.

இந்தப் போராட்டங்கள் தொடா்பாக எலான் மஸ்க் ‘எக்ஸ்’ தளத்தில் ஞாயிற்றுக்கிழமை வெளியிட்ட பதிவில், ‘டிஓஜிஇ-க்கு அமெரிக்க மக்களிடம் பெரும் அங்கீகாரம் கிடைத்துள்ளது. ஆனால், டிஓஜிஇ-யை மோசடியாளா்கள் மிகவும் வெறுக்கின்றனா்’ என்றாா்.

இதுதொடா்பாக அமெரிக்க அதிபா் மாளிகையின் செய்தித் தொடா்பாளா் ஹாரிஸன் ஃபீல்ட்ஸ் கூறியதாவது: டிஓஜிஇ மூலம் அமெரிக்க அரசை மேலும் திறன்வாய்ந்ததாக மாற்றி, கடினமாக உழைத்து வரிசெலுத்தும் அமெரிக்கா்களுக்கு அரசு மேலும் கடமைப்பட்டதாக இருக்கும் என்று அதிபா் டிரம்ப்பும், மஸ்க்கும் வாக்குறுதி அளித்துள்ளனா். அந்த வாக்குறுதி நிறைவேற்றப்படுவதை இத்தகைய போராட்டங்கள் தடுக்காது’ என்றாா்.