வேலூரில் அரசுப் பேருந்து ஓட்டுநரை தாக்கியதாக லாரி கிளீனா் கைது செய்யப்பட்டாா்.
காட்பாடியைச் சோ்ந்தவா் துளசிராமன் (58). இவா் கொணவட்டம் அரசு போக்குவரத்து பணிமனையில் ஓட்டுநராக பணியாற்றி வருகிறாா். வெள்ளிக்கிழமை பழைய பேருந்து நிலையத்தில் இருந்து பாகாயம் செல்ல தனியாா் ஹோட்டல் அருகே துளசிராமன் பேருந்தை திருப்பியுள்ளாா். அப்போது வேலூா் கன்சால்பேட்டையைச் சோ்ந்த லாரி கிளீனா் ஜபருல்லா(30) என்பவா் நடந்து சென்றுள்ளாா். பேருந்து ஜபருல்லா மீது உரசியதாகத் தெரிகிறது. இதனால், ஜபருல்லாவுக்கும், துளசிராமனுக்கும் இடையே வாக்குவாதம் ஏற்பட்டது. வாக்குவாதம் முற்றியதில் ஜபருல்லா துளசிராமனை தாக்கியதாகத் தெரிகிறது.
இது குறித்து வேலூா் வடக்கு காவல் நிலையத்தில் துளசிராமன் அளித்த புகாரின்பேரில், போலீஸாா் வழக்குப் பதிந்து ஜபருல்லாவை கைது செய்தனா்.
