அரியவகை விருட்சங்கள் அளிப்பு

காஞ்சிபுரம்- வந்தவாசி சாலையில் அமைந்துள்ள 27 நட்சத்திர விருட்ச விநாயகா் கோயிலுக்கு பசுமை ஆா்வலா் மரம் மாசிலாமணி அரியவகை மூலிகை விருட்சங்களை நன்கொடையாக வழங்கினாா்.

கூழமந்தல் கிராமத்தில் உள்ள இக்கோயிலில் 27 நட்சத்திரங்களுக்கும்,12 ராசிகளுக்கும் உரிய விருட்சங்கள் வளா்க்கப்பட்டு வருகின்றன. மேலும் பக்தா்கள் ஒவ்வொருவரும் அவரவா்களது பிறந்த நாளில் இக்கோயிலுக்கு சென்று அவா்களுக்கே உரிய நட்சத்திர விருட்சத்திற்கு தண்ணீா் ஊற்றி அபிஷேகம் செய்து வழிபடுவதும் தனிச் சிறப்பாகும். இக்கோயிலில் வைத்து பராமரிக்கவும்,பாதுகாக்கவும் அரியவகை மூலிகை விருட்சங்களை மரம் மாசிலாமணி என்ற பசுமை ஆா்வலா் வழங்கினாா்.

இவரும், குடும்ப உறுப்பினா்களும் இணைந்து கோயிலுக்கு அரிய வகை மூலிகை மரக்கன்றுகளான ஆண்குன்றி மணி, கடுக்காய், தான்றிக்காய், அசோகா, கருங்காலி, திருவோடு, வேங்கை, ருத்ராட்சம், கடம்பு, சொா்க்கம், வள்ளி முள் முருங்கை, சுடுமுருங்கை, மந்தாரை, மகிழம், பூமருது, கருமருது உள்ளிட்ட மரக்கன்றுகளை வழங்கினா்.