அதர்வா நடித்த டிஎன்ஏ படத்தை இயக்குநர் சுதா கொங்காரா பாராட்டியுள்ளார்.
இயக்குநர் நெல்சன் வெங்கடேஷன் இயக்கத்தில் நடிகர்கள் அதர்வா, நிமிஷா சஜயன் நடிப்பில் கடந்த வெள்ளிக்கிழமை வெளியானது.
குழந்தைக் கடத்தலை மையமாக வைத்து எமோஷனல் த்ரில்லராக உருவான இப்படம் ரசிகர்களிடம் நல்ல வரவேற்பைப் பெற்று வருகிறது.
குறிப்பாக, அதர்வா மற்றும் நிமிஷாவின் நடிப்பும் படத்தில் நடித்த மற்ற கதாபாத்திரங்களும் நன்றாக இருந்ததாக விமர்சனங்களில் குறிப்பிட்டு வருகின்றனர்.
மேலும், படத்தின் கதையும் திரைக்கதையும் பேசப்பட வேண்டிய விஷயத்தை பரபரப்பாக பேசியதால் அதர்வாவுக்கும் நல்ல படமாக அமைந்துள்ளது.
Just saw a little gem of a film !! Fantastic writing as always #nelsonvenkatesan and superb performances by @Atharvaamurali, #Nimishasajayan, #chetan, #Balajisakthivel and the paatti…oh my!!!
— Sudha Kongara (@Sudha_Kongara) June 23, 2025
Teared up and cheered with the audiences! A beauty -#DNA
இந்த நிலையில், டிஎன்ஏ படத்தைப் பார்த்த இயக்குநர் சுதா கொங்காரா, “ஒரு அருமையான படத்தைப் பார்த்தேன். எப்போதும்போல் நெல்சன் வெங்கடேஷன் அற்புதமாக எழுதியிருக்கிறார். நடிகர்கள் அதர்வா, நிமிஷா, சேத்தன், பாலாஜி சக்திவேல் மற்றும் அந்த பாட்டியின் நடிப்பும் சிறப்பாக இருந்தது. ரசிகர்களுடன் சந்தோஷமாக படத்தைப் பார்த்தேன். அருமை” எனப் பாராட்டியுள்ளார்.
இதையும் படிக்க: கூலி - ஹிந்தியில் வேறு பெயர்! ஏன்?
