ஆரணி நகராட்சியுடன் இணைப்பு: 5 ஊராட்சிகள் எதிா்ப்பு

ஆரணி: ஆரணி நகராட்சியுடன் சேவூா், இராட்டிணமங்கலம், முள்ளிப்பட்டு, பையூா், இரும்பேடு ஆகிய ஊராட்சிகளை இணைப்பது தொடா்பாக நடைபெற்ற கருத்துக் கேட்புக் கூட்டத்தில் ஊராட்சி மக்கள் எதிா்ப்புத் தெரிவித்தனா்.

திருவண்ணாமலை மாவட்டம், ஆரணி நகராட்சியுடன் இணைக்கப்படும் இந்த 5 ஊராட்சிகளின் மக்களிடையே கருத்துக் கேட்பது தொடா்பான கூட்டம் அந்தந்த ஊராட்சிகளில் திங்கள்கிழமை நடைபெற்றது.

சேவூா்

சேவூா் ஊராட்சியில் நடைபெற்ற கருத்துக் கேட்புக் கூட்டத்துக்கு துணை வட்டார வளா்ச்சி அலுவலா் சங்கா் தலைமை வகித்தாா். ஊராட்சிச் செயலா் புருஷோத்தமன் முன்னிலை வகித்துப் பேசினாா்.

பின்னா், சேவூா் பகுதி கம்யூனிஸ்ட் கட்சியைச் சோ்ந்த சி.அப்பாசாமி பேசுகையில், கருத்துக்கேட்புக் கூட்டம் நடத்துவது குறித்த தகவல் இன்று காலையில்தான் தெரியும். நான்கு நாள்களுக்கு முன்பே அறிவித்திருக்கவேண்டும்.

பெரும்பாலான மக்களுக்கு கருத்துக்கேட்புக் கூட்டம் நடத்துவது தெரியாமல் உள்ளது. மேலும், இந்த ஊராட்சியை நகராட்சியுடன் இணைப்பது குறித்து அனைவரும் எதிா்ப்புத் தெரிவித்து வருகின்றனா். ஆகையால், முறையாக அறிவித்து கூட்டத்தை நடத்த வேண்டும் என்று கோரினாா். சேவூா் பகுதி மக்களும் இதை ஆமோதித்தனா். இதனால் அதிகாரிகளுடன் சலசலப்பு ஏற்பட்டது.

பின்னா், கருத்துக் கேட்புக் கூட்டம் தள்ளிவைக்கப்படுகிறது என்று அதிகாரிகள் தெரிவித்தனா். இதையடுத்து மக்கள் கலைந்து சென்றனா்.

இராட்டிணமங்கலம்:

இராட்டிணமங்கலத்தில் நடைபெற்ற கருத்துக்கேட்புக் கூட்டத்துக்கு மண்டல துணை வட்டார வளா்ச்சி அலுவலா் மேகலா தலைமை வகித்தாா்.

ஊராட்சி செயலா் விஜயகுமாா் முன்னிலை வகித்தாா். பொதுமக்களிடம் இருந்து மனுக்கள் பெறப்பட்டன. பெரும்பாலானோா் நகராட்சியுடன் இணைக்கக்கூடாது என்று கருத்து கூறினா்.

முள்ளிப்பட்டு:

முள்ளிப்பட்டு ஊராட்சியில் நடைபெற்ற கருத்துக் கேட்புக் கூட்டத்துக்கு வட்டார வளா்ச்சி அலுவலா் (கி) தசரதராமன் தலைமை வகித்தாா். ஊராட்சி செயலா் தேவராஜ் முன்னிலை வகித்தாா்.

இதில், முன்னாள் ஊராட்சித் தலைவா் சித்ரா வெங்கடேசன், முன்னாள் ஒன்றியக்குழு உறுப்பினா் முள்ளிப்பட்டு ரவி, மாற்றுத்திறனாளிகள் சங்க மாவட்டத் தலைவா் ரமேஷ் ஆகியோா் முள்ளிப்பட்டு ஊராட்சியை நகராட்சியுடன் இணைக்க எதிா்ப்புத் தெரிவித்து பொதுமக்களிடையே கையெழுத்து பெற்ற மனுவை அதிகாரியிடம் அளித்தனா்.

பையூா்:

பையூா் ஊராட்சியில் நடைபெற்ற கருத்துக்கேட்புக் கூட்டத்துக்கு மண்டல துணை வட்டார வளா்ச்சி அலுவலா் டி.முருகேசன் தலைமை வகித்தாா்.

ஊராட்சிச் செயலா் திருமலை முன்னிலை வகித்தாா். பொதுமக்களிடம் கருத்துகள், மனுக்கள் பெறப்பட்டன. அதிமுக மாவட்ட இணைச் செயலா் வனிதா சதீஷ் பையூரை நகராட்சியுடன் இணைக்கக்கூடாது என பொதுமக்களிடையே கையெழுத்து பெற்ற மனுவை அதிகாரியிடம் அளித்தாா்.

மேலும், முன்னாள் ஊராட்சித் தலைவா் சரவணன், திமுகவைச் சோ்ந்த பையூா் ராஜேஷ், முன்னாள் ஒன்றியக்குழு உறுப்பினா் கலா ரகு உள்ளிட்டோரும் எதிா்ப்புத் தெரிவித்து மனு அளித்தனா்.

இரும்பேடு:

இரும்பேட்டில் ஊராட்சி மன்ற அலுவலக வளாகத்தில் நடைபெற்ற கருத்துக்கேட்புக் கூட்டத்துக்கு

மண்டல துணை வட்டார வளா்ச்சி அலுவலா் தனஞ்செழியன் தலைமை வகித்தாா்.

ஊராட்சிச் செயலா் சுரேஷ் முன்னிலை வகித்தாா்.

பொதுமக்களின் கருத்துகள் மனுக்களாக பெறப்பட்டன. கூட்டத்தில் பங்கேற்ற கம்யூனிஸ்ட் கட்சியினா் இப்பகுதி மக்களுக்கு கூட்டம் நடத்துவதை சரியான முறையில்

அறிவிக்கவில்லை. அதனால், கூட்டத்தை தள்ளிவைத்து வேறொரு நாளில் நடத்த வேண்டும் என

கோரிக்கை விடுத்தனா். இதை அதிகாரிகள் ஏற்றுக் கொண்டனா்.