இந்த வாரம் ஓடிடியில் வெளியாகும் படங்கள்!

இந்த வாரம் எந்தெந்த திரைப்படங்கள் எந்தெந்த ஓடிடி தளங்களில் வெளியாகவுள்ளன என்பதைக் காணலாம்.

குரு சோமசுந்தரம் நடிப்பில் வெளியான பாட்டல் ராதா திரைப்படம் ஆஹா தமிழ் ஓடிடியில் நாளை(பிப். 21) வெளியாகிறது.

பாலா இயக்கத்தில் அருண் விஜய் நடிப்பில் வெளியான வணங்கான் திரைப்படம் டெண்ட்கொட்டா ஓடிடி தளத்தில் நாளை(பிப். 21) வெளியாகிறது.

வட்டாட்சியர் அலுவலகத்தில் நடைபெறும் ஸ்வாரசிய நிகழ்களை மையமாக வைத்து எடுக்கப்பட்ட இணையத் தொடர் ஆபிஸ். இந்த தொடர் ஜியோ ஹாட் ஸ்டாரில் நாளை(பிப். 21) வெளியாகவுள்ளது.

இதையும் படிக்க: புன்னகைப் பூவே தொடரின் நாயகி மாற்றம்!

பாலி கொல்லி இயக்கத்தில் நந்தமுரி பாலகிருஷ்ணா நடித்துள்ள தெலுங்கு மொழிப் படமான டாகு மகராஜ் திரைப்படம் நாளை(பிப். 21) நெட்ஃபிளிக்ஸ் ஓடிடி தளத்தில் பார்க்கலாம்.

வி.பி. வினு இயக்கத்தில் அசோக் ரங்கராஜன் பிரதான பாத்திரத்தில் நடித்து வெளியான சாட்சி பெருமாள் திரைப்படத்தை டெண்ட்கொட்டா ஓடிடி தளத்தில் காணலாம்.

இப்படங்களைத் தவிர்த்து, கடந்த வாரம் வெளியான மார்கோ திரைப்படம் சோனி லைவ் ஓடிடி தளத்திலும் காதலிக்க நேரமில்லை திரைப்படம் நெட்ஃபிளிக்ஸ் ஓடிடியிலும் மதுரை பையனும் சென்னை பொண்ணும் வெப் தொடர் ஆஹா தமிழ் ஓடிடியிலும் காணக் கிடைக்கிறது.