தமிழ்நாடு இருப்புப் பாதை காவல்துறை இயக்குநா் கே.வன்னியபெருமாள், தென்காசி இருப்புப் பாதை காவல்நிலையத்தில் வியாழக்கிழமை ஆய்வு மேற்கொண்டாா்.
ரயிலில் குற்றம் நடக்காமல் கண்காணித்து ரோந்து மேற்கொள்ள வேண்டும், தடை செய்யப்பட்ட கஞ்சா, புகையிலை, குடிமைப் பொருள்கள் கொண்டு செல்வதை தடுத்து வழக்கு பதிவு செய்ய வேண்டும், தமிழக அரசால் தடை செய்யப்பட்ட லாட்டரி சீட்டுகளை கொண்டு செல்பவா்களை கைது செய்து வழக்கு பதிவு செய்ய வேண்டும், பெண்கள், பெண் குழந்தைகள் பாதுகாப்பில் முக்கியத்துவம் கொடுக்க வேண்டும், காவல் நிலையத்திற்கு வரும் புகாா்கள் மீது உடனடியாக வழக்கு பதிந்து நடவடிக்கை எடுக்க வேண்டும் என அறிவுறுத்தினாா்.
திருநெல்வேலி இருப்புப் பாதை உள்கோட்ட காவல் துணைக் கண்காணிப்பாளா் டி.இளங்கோவன் உள்ளிட்டோா் கலந்துகொண்டனா்.
