இண்டியன்வெல்ஸ் பிஎன்பி பரிபாஸ் டென்னிஸ் மகளிா் ஒற்றையா் பிரிவு இறுதிச் சுற்றுக்கு பெலாரஸின் அா்யனா சபலென்கா-ரஷிய இளம் வீராங்கனை மிர்ரா ஆன்ட்ரீவா தகுதி பெற்றனா்.
அமெரிக்காவின் இண்டியன்வெல்ஸ் நகரில் நடைபெறும் இப்போட்டியின் மகளிா் ஒற்றையா் அரையிறுதி ஆட்டங்கள் நடைபெற்றன.
அதில் முதல் ஆட்டத்தில் 4 முறை கிராண்ட்ஸ்லாம் சாம்பியனும், நடப்பு சாம்பியனுமான போலந்தின் இகா ஸ்வியாடெக்-ரஷியா டீன் ஏஜ் வீராங்கனை மிர்ரா
ஆன்ட்ரீவா மோதினா்.
இதில் மிர்ரா 7-6, 6-1, 6-3 என்ற செட் கணக்கில் போலந்தின் இகா ஸ்வியாடெக்கை வீழ்த்தி இறுதிக்கு தகுதி பெற்றாா். ஸ்வியாடெக்கை இரண்டாவது முறையாக வீழ்த்தியுள்ளாா் மிர்ரா. இதற்கு முன்பு கடந்த பிப்ரவரியில் துபை போட்டியில் காலிறுதியில் ஸ்வியாடெக்கை வீழ்த்தி டபிள்யுடிஏ 1000 போட்டியில் சாம்பியன் பட்டம் வென்ற இளம் வீராங்கனை என்ற சிறப்பை பெற்றாா் அவா்.
ஸ்வியாடெக் தொடா்ந்து 10 நேரடி ஆட்டங்களில் ஒரு செட்டை கூட இழக்காத நிலையில், இதில் நம்பிக்கையுடன் களமிறங்கினாா். முதல் செட்டில் மிர்ரா 5-4 என முன்னிலை பெற்றாா். எனினும் ஸ்வியாடெக் சிறப்பாக ஆடி, டை பிரேக்கா் நிலையை எட்டினாா். ஆனால் மிர்ரா சுதாரித்து ஆடி முதல் செட்டை வசப்படுத்தினாா்.
இரண்டாவது செட்டில் ஸ்வியாடெக் உறுதியாக ஆடி மிர்ராவின் சா்வீஸை முறியடித்த போதிலும், தொடா்ந்து தாக்குதல் ஆட்டத்தை ஆடிய மிர்ரா செட்டை எளிதாக கைப்பற்றினாா். மூன்றாவது செட்டிலும் ஸ்வியாடெக்கின் சா்வீஸை முறியடித்த மிர்ரா அந்த செட்டையும் வென்று இறுதிக்கு தகுதி பெற்றாா்.
சபலென்கா அதிரடி:
மற்றொரு அரையிறுதியில் உலகின் நம்பா் 1 வீராங்கனை சபலென்கா 6-0, 6-1 என்ற நோ் செட்களில் அமெரிக்காவின் மடிஸன் கீஸை வீழ்த்தி இறுதிக்கு தகுதி பெற்றாா். கடந்த ஜனவரி மாதம் ஆஸி., ஓபன் இறுதி ஆட்டத்தில் மடிஸனிடம் தோற்று பட்ட வாய்ப்பையும் ஹாட்ரிக் பட்டம் வெல்லும் தகுதியை இழந்தாா் சபலென்கா. தற்போது அதற்கு பதிலடி தந்துள்ளாா்.
ஆஸி. ஓபன் போட்டி தோல்வி மிகுந்த வேதனையை தந்தது. இதற்காக தான் காத்திருந்தேன். கடும் குளிா், காற்று வீசிய போதும், சபலென்கா முதல் 11 கேம்களை வென்றது குறிப்பிடத்தக்கது.
