சலார் - 2 படத்தின் பணிகள் ஒத்திவைக்கப்பட்டுள்ளதாகத் தகவல்கள் தெரிவிக்கின்றன.
கேஜிஎஃப் - 2 திரைப்படத்தை தொடர்ந்து, இயக்குநர் பிரசாந்த் நீல் நடிகர் பிரபாஸை நாயகனாக வைத்து ‘சலார்’ படத்தை இயக்கினார். இந்தப் படத்தில் ஸ்ருதி ஹாசன் நாயகியாகவும் பிருத்விராஜ் முக்கிய கதாபாத்திரத்தி்லும் நடித்திருந்தனர். சலார் திரைப்படம் 2023 டிச. 22 ஆம் தேதி உலகம் முழுவதும் வெளியானது.
படம் ரசிகர்களிடையே கலவையான விமர்சனங்களைப் பெற்றாலும் ரூ.600 கோடி வரை வசூலித்தது. ஓடிடியில் வெளியாகி சுமாரான வரவேற்பைப் பெற்றது.
இதையும் படிக்க: டில்லி ரிட்டன்ஸ்! கைதி - 2 அதிகாரப்பூர்வ அறிவிப்பு!
இந்த நிலையில், சலார் - 2 படத்தின் மீதமுள்ள படப்பிடிப்பை விரைவிலேயே துவங்க இயக்குநர் பிரசாந்த் நீல் திட்டமிட்டிருந்தார்.
ஆனால், தற்போது ஜூனியர் என் டிஆரை வைத்து புதிய படத்தை இயக்கி வருகிறார். இதுவும் பிரம்மாண்ட பொருள் செலவில் உருவாகி வருவதால் அடுத்தாண்டே இப்படம் வெளியாகும் எனத் தெரிகிறது.
அதேபோல், நடிகர் பிரபாஸ் ராஜாசாப் படத்திற்குப் பின் ஹனுமன் இயக்குநர் பிரசாந்த் வர்மா படத்தில் நடிக்கிறார்.
இதனால், சலார் - 2 திரைப்படம் அடுத்தாண்டுக்கு ஒத்திவைக்கப்படுவதாகத் தகவல்கள் தெரிவிக்கின்றன.
