பணி நிரந்தரம் செய்ய நடவடிக்கை எடுக்குமாறு அங்கன்வாடி ஊழியா்கள் அமைச்சரிடம் வலியுறுத்தினா்.
புதுவை குடிமைப் பொருள் வழங்கல் மற்றும் நுகா்வோா் விவகாரங்கள் துறை அமைச்சா் பி.ஆா்.என். திருமுருகனை, காரைக்காலில் உள்ள அலுவலகத்தில் அங்கன்வாடி பணியாளா்கள் சங்கத்தை சோ்ந்த நிா்வாகிகள், பணியாளா்கள் சனிக்கிழமை சந்தித்து கோரிக்கை மனு அளித்தனா்.
அங்கன்வாடி ஊழியா்கள், உதவியாளா்கள் கடந்த 2021-ஆம் ஆண்டு கல்வித் தகுதி அடிப்படையில் தோ்வு செய்யப்பட்டு பணியாற்றி வருவதாகவும், பணியாளா்கள் அனைவரையும் பணி நிரந்தரம் செய்யவேண்டும் என அதில் வலியுறுத்தப்பட்டுள்ளது.
இதுபோல மகாத்மா காந்தி தேசிய ஊரக வேலை உறுதியளிப்புத் திட்டத்தின் கீழ் பணியாற்றும் பணியாளா்களும் அமைச்சரை சந்தித்து, தாங்கள் வேலைவாய்ப்பு அலுவலகம் மூலம் தோ்ந்தெடுக்கப்பட்டு 16 ஆண்டுகளாக பணியாற்றி வருவதாகவும், தங்களை பணி நிரந்தரம் செய்யவேண்டும். ஊரக வளா்ச்சித் துறையில் காலியாகவுளஅள பணியிடங்களை நிரப்பும்போது, தங்களுக்கு முன்னுரிமை அளிக்கவேண்டும் என அமைச்சரிடம் வலியுறுத்தி மனு அளித்தனா்.
இதுகுறித்து புதுவை முதல்வரிடம் பேசி நடவடிக்கை எடுப்பதாக பணியாளா்களிடம் அமைச்சா் உறுதியளித்தாா்.
