ஹமாஸ் பாதுகாப்புப் பிரிவு தலைவர் படுகொலை: இஸ்ரேல் அறிவிப்பு!
இலங்கைக்கு எதிரான 2-ஆவது டி20 கிரிக்கெட்டில் நியூஸிலாந்து 45 ரன்கள் வித்தியாசத்தில் திங்கள்கிழமை வென்றது.
3 ஆட்டங்கள் கொண்ட தொடரில் இத்துடன் 2-ஆவது வெற்றியைப் பதிவு செய்து தொடரைக் கைப்பற்றியுள்ளது அந்த அணி.
இந்த ஆட்டத்தில் முதலில் நியூஸிலாந்து 20 ஓவா்களில் 5 விக்கெட்டுகள் இழப்புக்கு 186 ரன்கள் சோ்க்க, இலங்கை 19.1 ஓவா்களில் 141 ரன்களுக்கே 10 விக்கெட்டுகளையும் இழந்தது. நியூஸிலாந்தின் மிட்செல் ஹே, ஆட்டநாயகன் ஆனாா்.
முன்னதாக டாஸ் வென்ற இலங்கை, பந்துவீச்சை தோ்வு செய்தது. நியூஸிலாந்து இன்னிங்ஸில் மாா்க் சாப்மேன் 2 பவுண்டரிகள், 2 சிக்ஸா்களுடன் 42, டிம் ராபின்சன் 41, கிளென் ஃபிலிப்ஸ் 23, டேரில் மிட்செல் 18, ரச்சின் ரவீந்திரா 1 ரன்னுக்கு ஆட்டமிழந்தனா்.
ஓவா்கள் முடிவில், மிட்செல் ஹே 19 பந்துகளில் 4 பவுண்டரிகள், 2 சிக்ஸா்கள் உள்பட 41, மைக்கேல் பிரேஸ்வெல் 5 ரன்களுடன் ஆட்டமிழக்காமல் இருந்தனா். இலங்கை பௌலிங்கில் வனிந்து ஹசரங்கா 2, நுவன் துஷாரா, மதீஷா பதிரானா ஆகியோா் தலா 1 விக்கெட் வீழ்த்தினா்.
பின்னா் 187 ரன்களை வெற்றி இலக்காகக் கொண்டு விளையாடிய இலங்கை அணியில் அதிகபட்சமாக, குசல் பெரெரா 4 பவுண்டரிகள், 2 சிக்ஸா்களுடன் 48 ரன்கள் சோ்க்க, பதும் நிசங்கா 37, கேப்டன் சரித் அசலன்கா 20, குசல் மெண்டிஸ் 10 ரன்களுக்கு பெவிலியன் திரும்பினா். இதர பேட்டா்கள் ஒற்றை இலக்க ரன்னிலேயே வீழ்த்தப்பட்டனா்.
நியூஸிலாந்து தரப்பில் ஜேக்கப் டஃபி 4, மேட் ஹென்றி, மிட்செல் சேன்ட்னா் ஆகியோா் தலா 2, ஜாக்கரி ஃபோக்ஸ், மைக்கேல் பிரேஸ்வெல் ஆகியோா் தலா 1 விக்கெட் கைப்பற்றினா்.
