‘உங்களுடன் ஸ்டாலின்’ திட்ட முகாமில் பொதுமக்கள் தா்ணா

வேலூரில் நடைபெற்ற ‘உங்களுடன் ஸ்டாலின்’ திட்ட முகாமின்போது பொதுமக்கள் இலவச பட்டா, அடிப்படை வசதிகள் கோரி தா்னாவில் ஈடுபட்டனா்.

வேலூா் ரங்காபுரம் பகுதியிலுள்ள தனியாா் திருமண மண்டபத்தில் ‘உங்களுடன் ஸ்டாலின்’ திட்ட முகாம் வெள்ளிக்கிழமை நடைபெற்றது. மாநகராட்சி ஆணையா் லட்சுமணன் உள்பட அதிகாரிகள் பொதுமக்களிடம் இருந்து மனுக்களை பெற்றுக் கொண்டனா். வேலூா் சட்டப்பேரவை உறுப்பினா் ப.காா்த்திகேயன் முகாமை பாா்வையிட வந்தாா்.

அப்போது, வேலூா் மாநகராட்சி 24-ஆவது வாா்டு திமுக மாமன்ற உறுப்பினா் சுதாகா் தனது வாா்டுக்கு உட்பட்ட மூலைக்கொல்லை பகுதி மக்களுடன் வந்தாா். திடீரென தனது வாா்டுக்கு உட்பட்ட மக்களுடன் சோ்ந்து கைகளில் கோரிக்கை பேனா்களை ஏந்தியபடி தரையில் அமா்ந்து தா்னாவில் ஈடுபட்டாா். உடனடியாக அங்கிருந்த எம்எல்ஏ காா்த்திகேயன் போராட்டத்தில் ஈடுபட்ட மக்களிடம் பேச்சு நடத்தினாா்.

அப்போது பொதுமக்கள் கூறுகையில், மூலைக்கொல்லை பகுதியில் 500-க்கும் மேற்பட்ட குடும்பத்தினா் வசித்து வருகிறோம். எங்கள் பகுதியில் குடிநீா் கால்வாய், சாலை உள்பட எவ்வித அடிப்படை வசதியும் செய்து தரப்படவில்லை. சாலை அமைப்பதற்காக விரிவாக்கம் செய்து 8 மாதங்களாகியும் கண்டு கொள்ளாமல் உள்ளனா். மேலும், இப்பகுதியைச் சோ்ந்த பல குடும்பங்களுக்கு பட்டா வழங்கப்படாமல் உள்ளது. எனவே, இப்பகுதி மக்களுக்கு பட்டா வழங்கிடவும், அடிப்படை வசதிகள் செய்திடவும் நடவடிக்கை எடுக்க வேண்டும் எனத் தெரிவித்தனா்.

தொடா்ந்து போராட்டத்தில் ஈடுபட்ட மக்களிடம் கோரிக்கை மனுக்களைப் பெற்றுக்கொண்ட எம்எல்ஏ காா்த்திகேயன், இப்புகாா்கள் மீது உரிய நடவடிக்கை எடுக்கப்படும் என உறுதியளித்தாா்.