தேனி மாவட்டம், உத்தமபாளையம் பேரூராட்சியில் சமத்துவ பொங்கல் விழா திங்கள்கிழமை கொண்டாடப்பட்டது.
விழாவுக்கு பேரூராட்சித் தலைவா் முகமது அப்துல் காசிம் தலைமை வகித்தாா். செயல் அலுவலா் சின்னச்சாமிபாண்டியன் முன்னிலை வகித்தாா். அப்போது சிறப்பாக பணியாற்றிய தூய்மைப் பணியாளா்கள் கெளரவிக்கப்பட்டனா்.
முன்னதாக, முகமது பாத்திமா பெண்கள் உயா்நிலைப்பள்ளி மாணவிகள் பங்கேற்ற புகையில்லா போகிப் பண்டிகை குறித்த விழிப்புணா்வுப் பேரணி நடைபெற்றது. இந்த நிகழ்வில் பேரூராட்சி வாா்டு உறுப்பினா்கள், பேரூராட்சிப் பணியாளா்கள், பொதுமக்கள் பலா் கலந்து கொண்டனா்.
மாா்க்கையன்கோட்டை
இந்தப் பேரூராட்சி அலுவலக வளாகத்தில் நடைபெற்ற சமத்துவப் பொங்கல் விழாவுக்கு அதன் தலைவா் முருகன் தலைமை வகித்தாா். புகையில்லா பொங்கல் பண்டிகை குறித்து செயல் அலுவலா், பொதுமக்களுக்கு விழிப்புணா்வு ஏற்படுத்தினாா்.
கோம்பை
இந்தப் பேரூராட்சியில் நடைபெற்ற சமத்துவப் பொங்கல் விழாவுக்கு பேரூராட்சித் தலைவா் மோகன் தலைமை வகித்தாா். செயல் அலுவலா் சுருளிவேல் முன்னிலை வகித்தாா். விழாவில் தூய்மைப் பணியாளா்களுக்கு சீருடை, செங்கரும்பு, பொங்கல் பொருள்கள் வழங்கப்பட்டன.
இதில், புகையில்லா பொங்கல் பண்டிகை குறித்த விழிப்புணா்வு ஊா்வலம் முக்கிய வீதிகளின் வழியே நடைபெற்றது. பேரூராட்சி வாா்டு உறுப்பினா்கள், பணியாளா்கள், பொதுமக்கள் உள்ளிட்ட பலா் கலந்து கொண்டனா்.
