வருஷநாட்டில் தொழில் முறை போட்டி காரணமாக, இலவம் பஞ்சு வியாபாரி மீது பெட்ரோல் ஊற்றி தீ வைத்தவரை போலீஸாா் ஞாயிற்றுக்கிழமை கைது செய்தனா்.
வருஷநாட்டைச் சோ்ந்த இலவம் பஞ்சு வியாபாரி சதீஷ்குமாா் (36). இவா், தனது வீட்டருகே நடந்து சென்று கொண்டிருந்த போது, மா்ம நபா் ஒருவா் பெட்ரோல் ஊற்றி தீ வைத்து விட்டு தப்பியோடி விட்டதாகக் கூறப்படுகிறது. இதில் காயமடைந்த சதீஷ்குமாா் மதுரையில் உள்ள தனியாா் மருத்துவமனையில் சிகிச்சை பெற்று வருகிறாா்.
இதுகுறித்து வருஷநாடு காவல் நிலைய போலீஸாா் வழக்குப் பதிந்து விசாரணை நடத்தினா். விசாரணையில், வருஷநாட்டைச் சோ்ந்த பாண்டி மகன் மலைராஜன் (40) தொழில் முறை போட்டி காரணமாக சதீஷ்குமாா் மீது பெட்ரோல் ஊற்றி தீயிட்டு எரித்து கொலை செய்ய முயன்றது தெரியவந்தது. இதையடுத்து, மலைராஜனை போலீஸாா் கைது செய்தனா்.
