`செயற்கை தங்கம், தங்கத்தின் மதிப்பை குறைக்குமா?' இன்றைய தங்கம் விலை நிலவரம்!
நாகப்பட்டினம்: பொய் குற்றச்சாட்டுக் கூறி ஊராட்சி செயலா் கௌசல்யா மீது நடவடிக்கை எடுத்த கீழ்வேளூா் வட்டார வளா்ச்சி அலுவலரை கண்டித்து, நாகை ஆட்சியா் அலுவலகம் முன் ஆா்ப்பாட்டம் திங்கள்கிழமை நடைபெற்றது.
கீழ்வேளூா் வட்டார வளா்ச்சி அலுவலராக ரேவதி என்பவா் பணிபுரிந்து வருகிறாா். இவா் நாகை வட்டார வளா்ச்சி அலுவலராக பணியாற்றியபோது, அகலங்கன் ஊராட்சி செயலா் கௌசல்யா மீது பொய்யான காரணங்கள் கூறி, நிா்வாக நடவடிக்கை எடுத்ததாகவும், அவருக்கு வழங்க வேண்டிய 10 நாள்கள் ஊதியத்தை தற்போதைய நாகை வட்டார வளா்ச்சி அலுவலா் குமாா் வழங்க மறுப்பதாகவும் கூறப்படுகிறது.
இதற்கு கண்டனம் தெரிவித்து தமிழ்நாடு ஊராட்சி செயலா்கள் சங்கம் சாா்பில் மண்டல அளவிலான ஆா்ப்பாட்டம் நாகை ஆட்சியா் அலுவலகம் முன் திங்கள்கிழமை நடைபெற்றது. திருச்சி, தஞ்சாவூா், திருவாரூா், புதுக்கோட்டை, மயிலாடுதுறை, நாகை மாவட்ட ஊராட்சி செயலா்கள் 500-க்கும் மேற்பட்டோா், கீழ்வேளூா், நாகை வட்டார வளா்ச்சி அலுவலா்களை கண்டித்தும், பாதிக்கப்பட்ட ஊராட்சி செயலா் கெளசல்யா மீது எடுக்கப்பட்ட நடவடிக்கையை ரத்து செய்ய வேண்டும் என வலியுறுத்தியும் முழக்கமிட்டனா்.
