இந்தியாவுக்குள் பாய்ந்தோடும் பிரம்மபுத்திரா ஆற்றுக்குக் குறுக்கே உலகிலேயே மிகப்பெரிய அணையைக் கட்டுவதற்கு சீனா திட்டமிட்டிருப்பது, எல்லையில் அமைதி, ஆற்றில் போர் என்ற தந்திரமாக இருப்பதை வெளிச்சம் போட்டு காட்டுகிறது.
ஐக்கிய நாடுகள் அவையின் முன்னாள் பொதுச்செயலாளர் கோஃபி அன்னான் ஒருமுறை பேசுகையில், "குடிநீருக்குத்தான் கடுமையான போட்டி இருக்கும், எதிர்காலத்தில் இந்த குடிநீரே, மோதல் மற்றும் போர்களுக்குக் காரணமாக அமையும் என்று கூறியிருந்தார்.
அவர் என்னவோ, வருங்காலத்தைக் கணித்துத்தான் கூறியிருந்தார். ஆனால், அவர் சொன்னதை போர் உக்தியாக மாற்றுவதற்கு சீனா திட்டமிட்டுள்ளது. அணையை மூடினால், இந்தியாவில் பிரம்மபுத்திராவுக்குக் குறுக்கே அணை கட்டி அதனை மூடிவிட்டால், அசாம் உள்ளிட்ட மாநிலங்களில் கடும் வறட்சி, அணையை திறந்தால் வெள்ளம் என்ற நிலையை உருவாக்க சீனாவால் முடியும் என்கின்றன தரவுகள்.
