திருப்பதி: ஏழுமலையான் ஆா்ஜிதசேவை டிக்கெட்டுகளின் மே மாத ஒதுக்கீடு பிப்.18-ஆம் தேதி முதல் தொடங்க உள்ளதாக தேவஸ்தானம் தெரிவித்துள்ளது.
திருமலை ஏழுமலையான் ஆா்ஜித சேவை டிக்கெட் தொடா்பான சுப்ரபாதம், தோமாலை, அா்ச்சனை மற்றும் அஷ்டதள பாதபத்மராதன சேவைகளுக்கான மே 2025 ஒதுக்கீட்டை பிப். 18-ஆம் தேதி காலை 10 மணிக்கு தேவஸ்தானம் வெளியிட உள்ளது.
இந்த சேவை டிக்கெட்டுகளுக்கான ஆன்லைன் விண்ணப்ப பதிவு பிப்.18 முதல் 20 ஆம் தேதி காலை 10 மணி வரை மேற்கொள்ளலாம்.
விண்ணப்பதாரா்கள் தங்கள் கைப்பேசி எண்ணுக்கு குறுந்தகவல் கிடைத்தவுடன் 20 முதல் 22 மதியம் 12 மணிக்குள் தொகையைச் செலுத்தி டிக்கெட்டுகளை பெற்றுக் கொள்ளலாம்.
21-இல் ஆா்ஜித சேவை டிக்கெட்டுகள்
21-ஆம் தேதி காலை 10 மணிக்கு கல்யாணோற்சவம், ஊஞ்சல் சேவை, ஆா்ஜித பிரம்மோற்சவம், சகஸ்ரதீபாலங்கார சேவை டிக்கெட்டுகள் வெளியிடப்படும்.
விா்ச்சுவல் சேவைகள் ஒதுக்கீடு
மாலை 3 மணிக்கு விா்ச்சுவல் சேவைகளுக்கான மே மாத ஒதுக்கீடு, அவற்றின் தரிசன விவரங்களும் ஆன்லைனில் வெளியிடப்படும்.
23-இல் அங்கப்பிரதட்சண டோக்கன்கள்
மே மாதத்துக்கான அங்கப்பிரதட்சணம் டோக்கன்கள் ஒதுக்கீடு 23-ஆம் தேதி காலை 10 மணிக்கு வெளியிடப்படும்.
ஸ்ரீவாணி டிக்கெட் ஒதுக்கீடு
ஸ்ரீவாணி அறக்கட்டளை டிக்கெட்டுகளுக்கான ஆன்லைன் ஒதுக்கீடு காலை 11 மணிக்கு தேவஸ்தான இணையதளத்தில் வெளியிடப்படும்.
முதியோா் மற்றும் மாற்றுத்திறனாளிகள் ஒதுக்கீடு
முதியோா், மாற்றுத்திறனாளிகள் மற்றும் நாள்பட்ட நோயால் பாதிக்கப்பட்டவா்கள் தரிசிக்க ஏதுவாக, மே மாத இலவச சிறப்பு தரிசன டோக்கன்கள் 23-ஆம் தேதி மாலை 3 மணிக்கு வெளியிடப்படுகிறது
24-இல் ரூ.300 சிறப்பு நுழைவு தரிசன டிக்கெட்டுகளின் ஒதுக்கீடு
ரூ.300 சிறப்பு நுழைவு தரிசன டிக்கெட்டுகளின் ஒதுக்கீடு 24-ஆம் தேதி காலை 10 மணிக்கு வெளியிடப்படுகிறது.
அறை ஒதுக்கீடு
திருமலை மற்றும் திருப்பதியில் மே மாத அறை ஒதுக்கீடு 24-ஆம் தேதி மாலை 3 மணிக்கு வெளியிடப்படும்.
ஸ்ரீவாரி சேவா, நவநீத சேவை மற்றும் பரக்காமணி சேவைக்கான ஒதுக்கீடு பிப். 27-ஆம் தேதி காலை 11 மணி, மதியம் 12 மணி மற்றும் மதியம் 1 மணிக்கு இணையதளத்தில் வெளியிடப்பட உள்ளது.
மேற்கண்ட டிக்கெட்டுகள் மற்றும் வாடகை அறைகள் முன்பதிவு செய்ய விரும்பும் பக்தா்கள் கீழே கொடுக்கப்படுள்ள
ட்ற்ற்ல்ள்://ற்ற்க்ங்ஸ்ஹள்ற்ட்ஹய்ஹம்ள்.ஹல்.ஞ்ா்ஸ்.ண்ய் என்ற தேவஸ்தான இணையதளம் மூலம் ஆா்ஜிதசேவை மற்றும் தரிசன டிக்கெட்டுகளை முன்பதிவு செய்யலாம்.
