தேனி மாவட்டத்தைச் சோ்ந்த கஞ்சா வியாபாரிகளுக்கு மொத்த விலைக்கு கஞ்சா விற்பனை செய்த ஒடிசா மாநிலத்தைச் சோ்ந்த கஞ்சா வியாபாரியை தேனி தனிப் படை போலீஸாா் கைது செய்தனா்.
இதுகுறித்து தேனி மாவட்ட காவல் கண்காணிப்பாளா் சிவபிரசாத் செவ்வாய்க்கிழமை கூறியதாவது: தேவதானப்பட்டியில் கடந்த 2024, டிச.2-ஆம் தேதி கஞ்சா கடத்திச் சென்ற 3 பேரை போலீஸாா் கைது செய்து, அவா்களிடமிருந்து 26 கிலோ கஞ்சாவை பறிமுதல் செய்தனா். கைது செய்யப்பட்டவா்களிடம் நடத்திய விசாரணையில், அவா்களுக்கு ஒடிசா மாநிலம், கொராபுட் மாவட்டம், ஜெய்பூா் பகுதியைச் சோ்ந்த சுராஜ்சிங் என்பவா் மொத்த விலைக்கு கஞ்சா விற்பனை செய்தது தெரிய வந்தது.
இந்த தகவலின் அடிப்படையில், காவல் ஆய்வாளா் பாா்த்திபன், உதவி ஆய்வாளா் கதிரேசன் ஆகியோா் தலைமையில் தனிப் படை போலீஸாா், ஜெய்பூா் சென்று அங்கு கடந்த 20-ஆம் தேதி சுராஜ்சிங்கை கைது செய்தனா். அவரை ஜெய்பூா் மாவட்ட முதன்மை நீதிமன்றத்தில் முன்னிலைப்படுத்தி, தேனிக்கு அழைத்து வந்து விசாரித்து வருகிறோம். கடந்த 10 மாதங்களில் தேனி மாவட்டப் பகுதிகளுக்கு கஞ்சா விற்பனை செய்த ஆந்திரா, ஒடிசா மாநிலங்களைச் சோ்ந்த 16 கஞ்சா வியாபாரிகள் கைது செய்யப்பட்டனா் என்றாா் அவா்.
