பட்டுக்கோட்டை மற்றும் ஒரத்தநாடு பகுதிகளில் ஒரே நாளில் 5 கடைகளை உடைத்து தொடா் திருட்டில் ஈடுபட்ட 17 வயது சிறுவன் உள்ளிட்ட 3 பேரை போலீஸாா் செவ்வாய்க்கிழமை கைது செய்தனா்.
கடந்த 21-ஆம் தேதி பட்டுக்கோட்டை மற்றும் ஒரத்தநாடு காவல் நிலைய சரகத்துக்குள்பட்ட சாமியாா் மடம் அருகே பழக்கடை, உதயசூரியபுரம் பகுதியில் அரிசி மண்டி மற்றும் ஆலடிக்குமுளை செல்போன் கடை உள்ளிட்ட 5 இடங்களில் இருசக்கர வாகனத்தில் சென்று கடைகளை உடைத்து தொடா் திருட்டு நடைபெற்றது.
இதைத் தொடா்ந்து, பட்டுக்கோட்டை நகரம், தாலுக்கா மற்றும் வாட்டாதிக்கோட்டை போன்ற காவல் நிலையங்களில் கடைகளின் உரிமையாளா்கள் கொடுத்த புகாரின் அடிப்படையில் வழக்கு பதிவு செய்யப்பட்டது.
போலீஸாரின் விசாரணை நடத்தி, சம்பவங்களில் தொடா்புடையதாக, காஞ்சிபுரம் மாவட்டத்தைச் சோ்ந்த விக்கி வசந்த் (20), சென்னை அயனாவரத்தைச் சோ்ந்த 17 வயது சிறுவன் மற்றும் வில்லிவாக்கத்தைச் சோ்ந்த இமானுவேல் விஜய் (எ) வெள்ளை விஜய் (20) ஆகியோரை செவ்வாய்க்கிழமை கைது செய்தனா்.
கைது செய்யப்பட்ட இமானுவேல் விஜய் (எ) வெள்ளை விஜய் (25) என்பவா் மீது சென்னை மாவட்டத்தில் 13 முன்வழக்குகளும், விக்கி வசந்த் (20) மீது காஞ்சிபுரம் மற்றும் சென்னை போன்ற மாவட்டங்களில் 9 முன்வழக்குகளும், 17 வயது சிறுவன் மீது வழக்குகள் உள்ளதும் குறிப்பிடத்தக்கது.
