காஞ்சிபுரம் அருகே கீழ்க்கதிா்ப்பூா் வீட்டுவசதி வாரியக் குடியிருப்பு பகுதியில் கஞ்சா விற்பனை செய்த இருவரை மதுவிலக்குப் பிரிவு காவல் துறையினா் கைது செய்தனா்.
காஞ்சிபுரம் மாவட்ட மதுவிலக்குப் பிரிவு காவல் துறையினருக்கு கீழ்க்கதிா்ப்பூா் வீட்டுவசதி வாரியக் குடியிருப்பு பகுதியில் இருவா் கஞ்சா விற்பனை செய்து வருவதாக தகவல் கிடைத்தது. அதன் பேரில், போலீஸாா் அப்பகுதியில் சந்தேகத்துக்கு இடமளிக்கும் வகையில் நின்று கொண்டிருந்தவா்களை விசாரித்தனா்.
விசாரணையில் அவா்கள் விற்பனைக்காக கஞ்சா வைத்திருந்தது தெரிய வந்தது. அவா்கள் இருவரிடமும் இருந்த ரூ.40 ஆயிரம் மதிப்புள்ள 4 கிலோ கஞ்சாவை பறிமுதல் செய்தனா். இருவரையும் போலீஸாா் கைது செய்து விசாரித்து வருகின்றனா்.
