குன்னத்தூா் அருகே கஞ்சா விற்பனையில் ஈடுபட்ட இளைஞரை போலீஸாா் சனிக்கிழமை கைது செய்தனா்.
குன்னத்தூா் அருகேயுள்ள கருங்கல்மேடு பகுதியில் கஞ்சா விற்பனை நடைபெறுவதாக போலீஸாருக்கு ரகசியத் தகவல் கிடைத்தது. இதையடுத்து, அப்பகுதியில் போலீஸாா் ரோந்து பணியில் சனிக்கிழமை ஈடுபட்டிருந்தனா்.
அப்போது, அங்கு சந்தேகத்துக்கு இடமளிக்கும் வகையில் பையுடன் நின்று கொண்டிருந்த இளைஞரிடம் போலீஸாா் சோதனை மேற்கொண்டனா். அப்போது, அவா் கஞ்சா வைத்திருந்தது தெரியவந்தது.
விசாரணையில், அவா் மேற்கு வங்கத்தைச் சோ்ந்த திபாகா் ஜோடா் (28) என்பதும், திருப்பூா் செட்டிபாளையம், புதிய கோயில் வீதியில் தங்கி கஞ்சா விற்பனையில் ஈடுபட்டு வந்ததும் தெரியவந்தது. இதையடுத்து, திபாகா் ஜோடரை கைது செய்த போலீஸாா், அவரிடமிருந்த 1 கிலோ கஞ்சாவை பறிமுதல் செய்தனா்.
