கஞ்சாவுக்கு பதில் காகித பொட்டலம் கொடுத்து ரூ.40 ஆயிரம் மோசடி: 6 போ் கைது

கஞ்சாவுக்கு பதிலாக காகித பொட்டலம் கொடுத்து ரூ.40ஆயிரம் மோசடி செய்த வழக்கில் 6 பேரை போலீஸாா் கைது செய்தனா்.

திண்டுக்கல் மாவட்டம், நிலக்கோட்டை பள்ளபட்டி பாரதிபுரத்தைச் சோ்ந்தவா் ராமன் (23). இவரின் தம்பி லட்சுமணன் (22). இருவரும், திருப்பூா் அண்ணா நகா் குமரன் காலனியில் தங்கி கணக்கம்பாளையம் பிரிவில் உள்ள தனியாா் நிறுவனத்தில் பணியாற்றி வந்தனா்.

இந்நிலையில், திருப்பூரில் உள்ள தனது நண்பா்களான சஞ்சய், அா்தகக் அவதேஷ்ராய் ஆகியோருக்கு, நிலக்கோட்டை பள்ளபட்டி பாரதிபுரத்தை சோ்ந்த ராமு என்பவரை ராமன் அண்மையில் அறிமுகப்படுத்தியுள்ளாா். அப்போது, சஞ்சய், அா்தகக் அவதேஷ்ராய் ஆகியோருக்கு கஞ்சா வாங்கித் தருவதாக ராமு தெரிவித்துள்ளாா்.

இதைத் தொடா்ந்து, திருப்பூா் பழைய பேருந்து நிலையத்தில் வைத்து ராமுவிடம் ரூ. 40 ஆயிரத்தைக் கொடுத்து கஞ்சா பொட்டலத்தை சஞ்சய், அா்தகக் அவதேஷ்ராய் இருவரும் கடந்த திங்கள்கிழமை பெற்றுள்ளனா். ஆனால், அறைக்கு சென்று பிரித்து பாா்த்தபோது அதில் வெறும் காகிதம் மட்டுமே இருந்துள்ளது.

இதையடுத்து, சஞ்சய் மற்றும் அா்தகக் அவதேஸ்ராய் இருவரும் ராமனை நல்லாத்துப்பாளையத்துக்குக் கடத்திச் சென்று பணத்தைக் கேட்டு துன்புறுத்தியுள்ளனா். இதுகுறித்து ராமன், அவரது தம்பி லட்சுமணனுக்கு தகவல் தெரிவித்ததையடுத்து, அவா் பெருமாநல்லூா் காவல் நிலையத்தில் புதன்கிழமை புகாா் அளித்தாா்.

அதன்பேரில், வழக்குப் பதிவு செய்த பெருமாநல்லூா் போலீஸாா், சம்பவ இடத்துக்குச் சென்று, ராமனைக் கடத்திச் சென்ற பிகாா் மாநிலத்தைச் சோ்ந்த ரந்தீா்கமத் (23), கேரளத்தைச் சோ்ந்த அா்தகக் அவதேஷ்ராய் (25), திருப்பூரைச் சோ்ந்த நிதின் (23), ராஜா (38), குமரன் (22), சஞ்சய் (22) ஆகிய 6 பேரைக் கைது செய்தனா். மேலும் ரூ.40 ஆயிரத்தைப் பெற்றுக்கொண்டு தலைமறைவாகவுள்ள ராமுவை (25) போலீஸாா் தேடி வருகின்றனா்.