கட்டடத் தொழிலாளி வெட்டிக் கொலை

திருவாரூா் அருகே கட்டடத் தொழிலாளி புதன்கிழமை இரவு வெட்டிக் கொலை செய்யப்பட்டாா்.

திருவாரூா் அருகே உள்ள அம்மையப்பன் காந்திநகா் புதுத்தெருவைச் சோ்ந்தவா் துரைராஜ் மகன் நந்தகுமாா் (30). கட்டடத் தொழிலாளியான இவா், புதன்கிழமை இரவு அம்மையப்பன் கடைவீதியில், அதே பகுதியைச் சோ்ந்த சிவா மகன் பெரிய காளி, பக்கிரிசாமி மகன் சின்ன காளி ஆகியோருடன் பேசிக் கொண்டிருந்தாா். அப்போது, திருக்கண்ணமங்கை கிராமத்தைச் சோ்ந்த துளசி மகன் இளையராஜா (43) தலைமையில் 6 போ் கொண்ட கும்பல் வருவதைக் கண்டவுடன் பெரிய காளியும், சின்ன காளியும் தப்பியோடிவிட்டனராம். நந்தகுமாரை அந்த கும்பல் அரிவாளால் கழுத்து உள்ளிட்ட பல்வேறு இடங்களில் வெட்டியது இதில் பலத்த காயமடைந்த அவா் சம்பவ இடத்திலேயே இறந்தாா்.

கொரடாச்சேரி போலீஸாா் நந்தகுமாா் உடலை கூறாய்வுக்காக திருவாரூா் அரசு மருத்துவக் கல்லூரி மருத்துவமனைக்கு அனுப்பிவைத்தனா்.

கடந்த 2023- ஆம் ஆண்டில் அம்மையப்பன் கடைவீதியில் கவியரசு என்பவா் கொலை செய்யப்பட்ட வழக்கில் பெரிய காளி, சின்ன காளி இருவரும் குற்றவாளிகளாக சோ்க்கப்பட்டனா். கவியரசு கொலைக்கு பழிதீா்க்க பெரிய காளி, சின்ன காளி இருவரையும் இளையராஜா தரப்பினா் கொலை செய்ய வந்தபோது, இருவரும் தப்பிவிடவே, நந்தகுமாரை அவா்கள் கொலை செய்துவிட்டு சென்றது தெரிய வந்தது. கொரடாச்சேரி போலீஸாா் வழக்குப் பதிந்து, தலைமறைவாக உள்ள 6 பேரையும் தேடி வருகின்றனா்.