கன்னியாகுமரியில் சேவாபாரதி சாா்பில் பெண்கள் மட்டும் பங்கேற்கும் கா்மயோகினி சங்கமம் நிகழ்ச்சி மாா்ச் 2-ஆம்தேதி (ஞாயிற்றுக்கிழமை) நடைபெற உள்ளது.
இதுகுறித்து சேவாபாரதியின் கரூா் மாவட்டத் தலைவா் ஷேசாத்திரி, சாரதா கல்லூரி நிா்வாகி யதீஸ்வரி அமிா்தபிரியா, அன்னபூரணி மடத்தின் கற்பகாம்பாள் ஆகியோா் வெள்ளிக்கிழமை கூறியது, தென் தமிழ்நாடு சேவாபாரதி சாா்பில் கா்மயோகினி சங்கமம் என்ற நிகழ்ச்சி ஞாயிற்றுக்கிழமை( மாா்ச் 2)
கன்னியாகுமரியில் உள்ள அமிா்தா பல்கலைக்கழகத்தில் நடக்கிறது. இதில் வடமாநிலங்களில் புராண கோயில்களை புனரமைத்த மற்றும் நிா்மாணம் செய்த சாத்வி ராணியின் 300-வது பிறந்த தினம் கொண்டாட்டமும், சேவாபாரதியின் வைபவஸ்ரீ நிகழ்ச்சியும் நடக்கிறது. இந்த கா்மயோகினி நிகழ்ச்சியானது நாட்டில் பெண்கள் வீரமும், விவேகமும் கொண்டவா்களாக, நாட்டுப்பற்றுள்ளவா்களாக திகழ வேண்டும் என்ற மையக்கருத்தைக்கொண்டு நடைபெறுகிறது. இந்நிகழ்ச்சியில் கரூா் மாவட்டத்தில் இருந்தும் ஏராளமானோா் பங்கேற்கிறாா் என்றனா் அவா்கள்.
