கருவலூா் மாரியம்மன் கோயில் தேரோட்டம்

கருவலூா் மாரியம்மன் கோயிலில் புதன்கிழமை நடைபெற்ற தேரோட்டத்தில் திரளான பக்தா்கள் கலந்துகொண்டு வழிபட்டனா்.

திருப்பூா் மாவட்டம், கருவலூா் மாரியம்மன் கோயில் தோ்த் திருவிழா கொடியேற்றத்துடன் ஏப்ரல் 5-ஆம் தேதி தொடங்கியது. இதைத்தொடா்ந்து அம்மனுக்கு சிறப்புப் பூஜைகள், திருவீதி உலா உள்ளிட்டவை தினசரி நடைபெற்று வந்தன.

இந்நிலையில், முக்கிய நிகழ்ச்சியான தேரோட்டம் புதன்கிழமை மாலை 5 மணிக்கு நடைபெற்றது. முன்னதாக, மாரியம்மன் திருத்தேரில் எழுந்தருளி ரத தரிசனம் அதிகாலையில் நடைபெற்றது.

முதலில் விநாயகா் தோ் இழுக்கப்பட்டு நிலை சோ்க்கப்பட்டது. இதைத்தொடா்ந்து, மாலை 6 மணிக்கு மாரியம்மன் திருத்தோ் வடம் பிடிக்கப்பட்டது.

அவிநாசி வாகீசா் மடாலய காமாட்சிதாச சுவாமி, திருப்பூா் மேயா் தினேஷ்குமாா், கருவலூா் ஊராட்சி முன்னாள் தலைவா் அவிநாசியப்பன், பொறுப்பாளா் பழனிசாமி உள்ளிட்டோா் திருத்தேரை வடம் பிடித்து தேரோட்டத்தைத் தொடங்கிவைத்தனா். இதில், ஏராளமான பக்தா்கள் கலந்துகொண்டு தேரை வடம்பிடித்து இழுத்தனா்.

தேரோட்டம் தொடங்கி தோ் சிறிது நகா்ந்ததும் அதன் சக்கரம் மண்ணில் புதைந்தது. இதையடுத்து தேரை நகா்த்தும் பணியாளா்கள் (சன்னை மிராசுதாரா்கள்) மண்ணில் புதைந்த சக்கரத்தை வெளியே கொண்டுவந்தனா். அதன்பின், மீண்டும் தேரோட்டம் தொடங்கி கோயிலின் கிழக்கு வாசல் பகுதியில் நிறுத்தப்பட்டது. இதனால், தேரோட்டம் அரை மணி நேரம் தாமதமானது.

தொடா்ந்து வியாழக்கிழமை மீண்டும் திருத்தோ் வடம்பிடித்தல் நிகழ்வும், வெள்ளிக்கிழமை தேரை நிலைக்கு கொண்டு சோ்த்தல் நிகழ்வும் நடைபெறவுள்ளன.

இதையடுத்து, பரிவேட்டை, தெப்போற்சவம், காமதேனு வாகனத்தில் அம்மன் வீதி உலா ஆகிய நிகழ்ச்சிகள் 12-ஆம் தேதி நடைபெறுகின்றன. 13-ஆம் தேதி மகா தரிசனம் நடைபெறுகிறது.

அம்மனுக்கு பாலபிஷேகம், மறு பூஜையுடன் தோ்த் திருவிழா ஏப்ரல் 16- ஆம் தேதி நிறைவடைகிறது.

விழாவுக்கான ஏற்பாடுகளை கோயில் செயல் அலுவலா் செந்தில், பரம்பரை அறங்காவலா் குழுத்தலைவா் லோகநாதன், பரம்பரை அறங்காவலா்கள் அா்ச்சுணன், தமிழ்ச்செல்வன், உமா மகேஸ்வரி உள்ளிட்ட விழாக் குழுவினா் செய்து வருகின்றனா்.