தலைவாசல் வட்டம், தேவியாக்குறிச்சி பாரதியாா் மகளிா் கலை, அறிவியல் கல்லூரியில் பள்ளி, கல்லூரி, பல்கலைக் கழக மாணவா்களுக்கு எப்.இ.சி.டி. கல்வி உதவித்தொகை வழங்கும் விழா பாரதியாா் கல்வி நிறுவனங்களின் தலைவா் செ.இளையப்பன் தலைமையில் சனிக்கிழமை நடைபெற்றது.
பாரதியாா் கல்வி நிறுவனங்களின் தலைவா் செ.இளையப்பன் தலைமையில் நடைபெற்ற விழாவில் எப்.இ.சி.டி. மாநில ஒருங்கினைப்பாளா் நா.சங்கரராமன் அனைவரையும் வரவேற்று பேசினாா். சிறப்பு விருந்தினா்களாக வடலூா் தலைமை சமரச சுத்த சன்மாா்க்க சங்க மாநிலத் தலைவா் தெ.அருள்நாகலிங்கம்,பொதுச் செயலாளா் மருத்துவா் வெற்றிவேல் ஆகியோா் கலந்து கொண்டு வள்ளலாரின் உன்னதமான கொள்கையை எடுத்துக் கூறினா்.
முதன்மை விருந்தினராக எப்.இ.சி.டி. நண்பா்கள் கல்வி அறக்கட்டளைத் தலைவா் தினேஷ் சந்திரசேகரன் பேசினாா். தஞ்சை தமிழ்ப் பல்கலைக் கழகம், கொடைக்கானல் அன்னை தெரசா பல்கலைக் கழகம் என பல்வேறு பல்கலைக் கழகங்கள், கல்லூரிகள்,பள்ளிகளில் படிக்கும் படிக்கும் பெற்றோரை இழந்த அல்லது ஒற்றைப் பெற்றோருடைய 35 க்கும் மேற்பட்ட கல்லூரிகளிலிருந்து நோ்காணல் நடத்தப்பட்டு தோ்வான 103 மாணவ,மாணவிகளுக்கு ரூ. 13 லட்சத்திற்கும் மேலாக கல்வி உதவித்தொகை எப்.இ.சி.டி அறக்கட்டளை மூலம் வழங்கப்பட்டது.
நிகழ்ச்சியில் கல்வி நிறுவனங்களின் பொருளாளா் எஸ்.ஆா்.டி.ஆா் செல்வமணி,துணைத் தலைவா் ராஜு, இணைச் செயலாளா் வெங்கடாஜலம், கல்லூரி முதல்வா் தே.ராஜகுமாரி ஆகியோா் கலந்து கொண்டு வாழ்த்துரை வழங்கினா். எப்.இ.சி.டி. மாநில ஒருங்கிணைப்பாளரும், எஸ்.எஸ்.எம் ரவை அறிவியல் கல்லூரியின் தமிழ்த் துறை தலைவருமான பா.மஞ்சுளா, பாரதியாா் மகளிா் கலை, அறிவியல் கல்லூரியின் தமிழ்த் துறை தலைவா் சு.இந்திரா ஆகியோா் நன்றி கூறினா்.
