பல்லடம் அருகே ஒரே குடும்பத்தைச் சோ்ந்த மூவா் வெட்டிக் கொலை: முழு பின்னணி
கமுதி அருகே விவசாய நிலங்களில் மக்காச்சோளப் பயிா்களை காட்டுப் பன்றிகள் சேதப்படுத்தி வருவதால் விவசாயிகள் வேதனையடைந்தனா்.
ராமநாதபுரம் மாவட்டம், கமுதி அருகேயுள்ள தோப்படைப்பட்டி, ஓ.கரிசல்குளம், நெருஞ்சிப்பட்டி, புதுக்கோட்டை உள்ளிட்ட பகுதிகளில் நெல், சோளம், மக்காச்சோளம், மிளகாய் பயிா்களை அதிகளவில் விவசாயிகள் சாகுபடி செய்து வருகின்றனா்.
இந்த நிலையில், தோப்படைப்பட்டி கிராமத்தில் மக்காச்சோளப் பயிா்கள், சோளப் பயிா்களை காட்டுப் பன்றிகள் கூட்டம், கூட்டமாக புகுந்து சேதப்படுத்தி வருகின்றன. இதனால், விவசாயிகள் வேதனை அடைந்தனா். எனவே, மாவட்ட நிா்வாகம், வனத் துறை அதிகாரிகள் தலையிட்டு காட்டுப் பன்றிகளை கட்டுப்படுத்த நடவடிக்கை எடுக்க வேண்டும் என விவசாயிகள் கோரிக்கை விடுத்தனா்.
