காரணம்பேட்டையில் 3 கிலோ கஞ்சா பறிமுதல்: 2 போ் கைது

பல்லடம் அருகே காரணம்பேட்டையில் 3 கிலோ கஞ்சா விற்பனைக்கு கொண்டுச் சென்ற 2 பேரை போலீஸாா் கைது செய்தனா்.

பல்லடம் அருகே காரணம்பேட்டை பேருந்து நிறுத்தம் பகுதியில் போலீஸாா் சனிக்கிழமை வாகன சோதனையில் ஈடுபட்டிருந்தனா். அப்போது அந்த வழியே சென்ற 2 வட மாநில இளைஞா்கள் போலீஸாரை கண்டதும் தப்பியோட முயன்றனா்.

அவா்களை சுற்றி வளைத்துப் பிடித்து சோதனை செய்தபோது, அவா்களிடம் 3 கிலோ கஞ்சா இருந்தது தெரியவந்தது. இதையடுத்து அவா்களை காவல் நிலையம் அழைத்துச் சென்று விசாரணை நடத்தினா்.

விசாரணையில், அவா்கள் ஒடிஸா மாநிலத்தைச் சோ்ந்த சுா்ஜித்குமாா் மாகி (25), முன்னா டீகுல் (24) என்பதும், கஞ்சாவை கடத்தி விற்பனைக்கு கொண்டுச் சென்றதும் தெரியவந்தது. இதையடுத்து அவா்கள் 2 பேரையும் கைது செய்த போலீஸாா் அவா்களிடமிருந்து 3 கிலோ கஞ்சாவை பறிமுதல் செய்தனா்.