நடிகர் பரத் நடித்துள்ள காளிதாஸ் 2 படத்தின் முதல் பார்வை போஸ்டர் ரிலீஸ் தேதி அறிவிக்கப்பட்டுள்ளது.
ஷங்கர் இயக்கத்தில் பாய்ஸ் படத்தின் மூலம் தமிழ் சினிமாவுக்கு அறிமுகமானவர் நடிகர் பரத். பின்னர் காதல், வெயில், பழனி போன்ற படங்களில் நடித்து கவனம் பெற்றார்.
தனது 50ஆவது படமாக மலையாளத்தில் வெளியான லவ் எனும் படத்தினை அதே பெயரில் ரீமேக் செய்து நடித்தார். கடைசியாக இவரது நடிப்பில் வெளியான இப்போதைக்கு காதல் ஆஹா தமிழில் வெளியானது.
2019இல் காளிதாஸ் என்ற படத்தில் நடித்திருந்தார். ஸ்ரீ செந்தில் இயக்கிய இந்தப்படம் நல்ல வரவேற்பினை பெற்றது. தற்போது இதன் இரண்டாம் பாகத்தில் நடிக்கிறார்.
இந்தப் படத்தின் பூஜை விழாவில் நடிகர் சிவகார்த்திகேயன் பங்கேற்றார். சிவகார்த்திகேயன் தற்போது முருகதாஸ் படத்தில் நடித்து வருகிறார்.
இந்தப் படத்தினை ஸ்கை பிக்சர்ஸ் தயாரிக்கிறது. சாம் சிஎஸ் இசையமைக்கிறார். இதில் பவானி ஸ்ரீ, அபர்ணதி நடித்துள்ளார்கள்.
இந்நிலையில் படத்தின் முதல் பார்வை போஸ்டர் மார்ச்.8ஆம் தேதி வெளியாகுமென படக்குழு தெரிவித்துள்ளது.
