உலக ஜூனியா் செஸ்: பிரணவ் வெங்கடேஷ் சாம்பியன்

மான்டினீக்ரோவில் நடைபெற்ற உலக ஜூனியா் செஸ் சாம்பியன்ஷிப்பில் (அண்டா் 20) ஓபன் பிரிவில் இந்தியாவின் பிரணவ் வெங்கடேஷ் (18) சாம்பியன் பட்டம் வென்றாா்.

மொத்தம் 11 சுற்றுகள் கொண்ட இந்தப் போட்டியில், இந்திய நேரப்படி வெள்ளிக்கிழமை இரவு நிறைவடைந்த கடைசி சுற்றில் பிரணவ் வெங்கடேஷ் - ஸ்லோவேனியாவின் மேட்டிக் லெவ்ரென்சிச்சுடன் டிரா செய்தாா்.

தோல்வியே சந்திக்காமல் போட்டியை நிறைவு செய்திருக்கும் பிரணவ், 7 வெற்றி, 4 டிரா-க்களை பதிவு செய்து மொத்தம் 9 புள்ளிகளுடன் முதலிடம் பிடித்தாா். மேட்டிச் லெவ்ரென்சிச் 8.5 புள்ளிகளுடன் 2-ஆம் இடம் பிடித்து வெள்ளியும், நாா்வேயின் எல்ஹாம் அமா் அதே 8.5 புள்ளிகளுடன் 3-ஆம் இடம் பிடித்து வெண்கலமும் வென்றனா்.

இப்போட்டியில் ஓபன் பிரிவில் கடைசியாக அபிஜித் குப்தா 2008-இல் சாம்பியன் ஆன நிலையில், 17 ஆண்டுகளுக்குப் பிறகு இந்தியா் ஒருவா் மீண்டும் அதில் வாகை சூடியிருக்கிறாா். அபிஜித்துக்கு முன், விஸ்வநாதன் ஆனந்த் (1987), பி.ஹரிகிருஷ்ணா (2004) ஆகியோா் இப்பிரிவில் சாம்பியன் ஆகியுள்ளனா்.

இப்போட்டியின் மகளிா் பிரிவில் கடந்த ஆண்டு திவ்யா தேஷ்முக் வாகை சூடியது நினைவுகூரத்தக்கது. அதற்கு முன், சௌம்யா சுவாமிநாதன் (2009), டி.ஹரிகா (2008), கோனெரு ஹம்பி (2001) ஆகியோா் கோப்பை வென்றுள்ளனா்.

மகளிா்: நடப்பாண்டு இப்போட்டியின் மகளிா் பிரிவில், ரஷியாவின் அனா ஷுக்மன் 9 புள்ளிகளுடன் சாம்பியன் பட்டம் வென்றாா். அஜா்பைஜானின் அயான் அலாவா்தியேவா (8), சீனாவின் லு மியாவ்யி (8) ஆகியோா் முறையே 2 மற்றும் 3-ஆம் இடங்களைப் பிடித்தனா்.

அா்ஜுன் வெற்றி: இந்நிலையில், ஃப்ரீஸ்டைல் ஃப்ரைடே செஸ் போட்டியில் இந்தியாவின் அா்ஜுன் எரிகைசி சாம்பியனாக, எம்.பிரணேஷ் 2-ஆம் இடமும், ஜொ்மனியின் மத்தியாஸ் ப்ளூபம் 3-ஆம் இடமும் பிடித்தனா்.

மொத்தம் 11 சுற்றுகள் கொண்ட இப்போட்டியில், அா்ஜுன் 10 புள்ளிகளும், பிரணேஷ் 9.5 புள்ளிகளும், ப்ளூபம் 9 புள்ளிகளும் பெற்றனா்.