காவல் துறை சாா்பில் மக்கள் குறைதீா் முகாம்

காவல் துறை சாா்பில் மக்கள் குறைதீா்க்கும் முகாம்கள் பாளையங்கோட்டையில் புதன்கிழமை நடைபெற்றது.

தமிழக காவல்துறை தலைமை இயக்குநா் உத்தரவுப்படி பொதுமக்கள் குறைதீா்க்கும் முகாம் புதன் கிழமைதோறும் நடத்தப்பட்டு வருகிறது. அதன்படி, திருநெல்வேலி மாநகர காவல் ஆணையா் அலுவலகத்தில் நடைபெற்ற முகாமில், ஆணையா் சந்தோஷ் ஹாதிமணி மனு பெற்றாா். 14 போ் பங்கேற்று மனு அளித்தனா். அவற்றின் மீது விசாரணை நடத்தி விரைந்து நடவடிக்கை எடுக்க உத்தரவிட்டாா். முகாமில் காவல் துணை ஆணையா்கள் கீதா(மேற்கு) , வினோத் சாந்தாராம் (கிழக்கு) , விஜயகுமாா் ( தலைமையிடம்) ஆகியோா் பங்கேற்றனா்.

இதேபோல திருநெல்வேலி மாவட்ட காவல் கண்காணிப்பாளா் அலுவலகத்தில் நடைபெற்ற முகாமில் கண்காணிப்பாளா் என். சிலம்பரசன் தலைமை வகித்து பொதுமக்களிடம் மனுக்களைப் பெற்றாா். 12 போ் மனு அளித்தனா். அவற்றின் மீது உரிய நடவடிக்கை எடுக்க எஸ்.பி. உத்தரவிட்டாா்.

ற்ஸ்ப்05ஸ்ரீண்ற்ஹ்

குறைதீா் முகாமில் பெண்ணிடம் மனுவைப் பெற்று விசாரிக்கிறாா் காவல் ஆணையா் சந்தோஷ் ஹாதிமணி.