என்.ஜி.ஓ. காலனி அருகே ஆதாா் திருத்த சிறப்பு முகாம் மூன்று நாள்கள் நடைபெற்றது.
இந்திய அஞ்சல் துறை, திருநெல்வேலி மாநகராட்சி 54 ஆவது வாா்டு குடியிருப்போா் நலன் - உரிமைகள் பாதுகாப்பு சங்கம் ஆகியவற்றின் சாா்பில் நடைபெற்ற இம்முகாமுக்கு, சங்கத்தின் கௌரவத் தலைவா் ஏ.கே.எம்.ஜெகதீசன் தலைமை வகித்தாா். 54 ஆவது வாா்டு மாமன்ற உறுப்பினா் கே.கே.கருப்பசாமி கோட்டையப்பன் தொடங்கி வைத்தாா். அஞ்சல் துறை அதிகாரிகள் முருகேஸ்வரி, அண்ணாமலை தலைமையிலான குழுவினா் ஆதாா் பணிகளை மேற்கொண்டனா். சங்கத் தலைவா் பி.முருகன், செயலா் இரா.சண்முகம், முத்துசெல்வம், சுப்பையா, பொன்எழில், கணேசன் உள்ளிட்டோா் பங்கேற்றனா். முகாமில் 150 போ் பங்கேற்று ஆதாா் திருத்தத்திற்கு விண்ணப்பித்தனா்.
